Májilis depýtaty Á.Bımendına Astana mektebindegi Qazaq handyǵynyń 550 jyldyǵyna arnalǵan konferentsııaǵa qatysty

ASTANA. QazAqparat - Qazaqstan Respýblıkasynyń Parlament Májilisiniń depýtaty Ásıma Bımendına Astana qalasyndaǵy №64 mektep-lıtseıinde Qazaq handyǵynyń 550 jyldyǵyna arnalǵan qalalyq is-sharalar aıasynda ótken «Qazaq memleketi: keshe, búgin, erteń» atty ǵylymı-praktıkalyq konferentsııaǵa qatysty.

Konferentsııa jumysyna Qazaqstan Respýblıkasynyń Parlament Májilisiniń depýtaty Á.T.Bımendına, L.Gýmılev atyndaǵy Eýrazııa ulttyq ýnıversıtetiniń Arheologııa jáne etnologııa kafedrasynyń meńgerýshisi U.Úmitqalıev, Arheologııa jáne etnologııa kafedrasynyń oqytýshysy Q.Rahymjanov qatysty.

Konferentsııada atadan mura bolyp kele jatqan qundylyqty qurmetteýge yqpal etetin ultjandylyqty tárbıeleý maqsatynda, tarıh betterine sholý jasalyp, Qazaq handyǵynyń sońǵy hany - Kenesary hannyń sońǵy kóshi týraly kórinis usynyldy.

Ekinshi bólimde «Qazaq halqy Táýelsizdik jolynda» taqyrybynda baıandamalar tyńdaldy. Úshinshi bólimde «Máńgilik el» ádebı-mýzykalyq kompozıtsııasy oryndaldy.

Konferentsııa maqsaty - jas urpaqty keshegi babalar amanatyna adal bolýǵa baýlý, el men jerdiń ıesi búgingi jas urpaq ekendigine kózderin jetkizý, el tarıhyna, shejiresine qurmetpen qaraýǵa tárbıeleý, patrıottyq sezimin qalyptastyrý boldy, dep habarlaıdy QR Parlamenti Májilisi Apparatynyń baspasóz qyzmetinen.