Májilis depýtattyǵyna kandıdattar qatarynda áıelder sanynyń kemýi baıqalady - QR OSK
ASTANA. QazAqparat - Partııalyq tizimnen Májilis depýtattyǵyna kandıdattar qatarynda áıelder sanynyń kemýi baıqalady. Bul týraly búgin elimizdiń saıası partııalary ókilderine arnalǵan semınar barysynda QR Ortalyq saılaý komıssııasynyń múshesi Marat Sársembaev aıtty.
«Ókinishke oraı, saıası partııalar osy jolǵy saılaý naýqanynda genderlik máseleni osyǵan deıingi saılaý naýqanymen salystyrǵanda birshama tómen qoıǵandyǵy baıqalady. Eger 2012 jyly «Nur Otan» partııasynyń kandıdattar tizimine 25 áıel kirse, 2016 jylǵy tizimge 30 áıel iligip otyr. Al basqa saıası partııalarda tizimge engizilgen áıelder sany az», - dedi ol.
Máselen, onyń alǵa tartqan derekterine qaraǵanda, 2012 jyly «Aýyl» partııasy óz tizimine - 4, al osy joly tek bir ǵana áıeldi kirgizip otyr. Mundaı jaıt «Aq jol» partııasynda da baıqalady. Olardyń 2012 jylǵy tiziminde - 9, al bıyl 6 áıel adam bar.
«JSDP-nyń partııalyq tiziminde 2012 jyly 12 áıel bolsa, bıyl nebári 4 áıel engen. Jalpy, partııa qansha múshesi bolýy kerektigin ózderi sheshedi. Bul rette Ortalyq saılaý komıssııasy májbúrleı almaıdy», - dedi M.Sársembaev.
