Májilis depýtattarynyń jumysynda jańa stıl men mazmun paıda boldy - Prezıdent
«Qajet bolsa, Úkimettiń naqty músheleri men ákimderge senim máselesin kóterý qajet. Barlyq deńgeıdegi partııa depýtattarynyń reıtıngi aldyn ala daıyndalǵan esepterge emes, naqty ister men azamattardyń máselelerin sheshýge negizdelýi kerek», – dedi partııa Tóraǵasy bılik partııasynyń kezekten tys sezinde.
Prezıdenttiń sózine qaraǵanda, barlyq saılaý okrýgterinde fraktsııalar depýtattary arasynan kýratorlar bekitý qajet. Bul qadam olardyń jaýapkershilik aýmaǵyn keńeıtýde mańyzdy.
«Jaqynda Májilis depýtattary óńirlerdegi saparlarynan oraldy. Men bul jumystyń barysyn baıqap otyrdym. Osy oraıda depýtattar jumysynda jańa stıl men mazmun paıda bola bastady, onyń barlyǵy kórinip tur. Formaldy otyrystar sany azaıyp, saılaýshylarmen tikeleı kezdesýler artty. Depýtattar jergilikti jerlerdegi azamattardyń naqty problemalaryn zerdeleı bastady. Osyndaı qadamdardy barynsha nyǵaıtyp, damyta túsýimiz kerek», - dedi Memleket basshysy.
