Májilis depýtattarynyń kezekten tys saılaýyna 7 partııa úmitkerler tizimin tapsyrdy
ASTANA. 5 jeltoqsan. QazAqparat /Aıdar Ospanalıev/ - 2012 jyldyń 15 qańtaryna taǵaıyndalǵan Parlament Májilisiniń kezekten tys saılaýyna qatysý úshin Ortalyq saılaý komıssııasyna úmitkerler tizimin Jalpyhalyqtyq sotsıal-demokratııalyq partııasynyń ókilderi usyndy.
Jalpyhalyqtyq sotsıal-demokratııalyq partııasynyń Astana qalalyq fılıalynyń jetekshisi Serikbaı Álibaevtyń aıtýynsha, atalmysh partııa ókilderi kezekten tys Májilis depýtattarynyń saılaýynda saılaýshylardyń 30 paıyzdan kem bolmaıtyn daýysyn alamyz degen nıette.
Bul osymen Májilis saılaýyna qatysýǵa nınıet bildirip otyrǵan 7-shi partııa. Osyǵan deıin «Nur Otan» halyqtyq demokratııalyq partııasy, Qazaqstannyń kommýnıstik halyqtyq partııasy, «Aýyl» partııasy, «Patrıottar partııasy», «Ádilet» partııasy jáne «Rýhanııat» partııasy Májilis depýtatyǵynan úmitti ekendikterin bildirip, Ortalyq saılaý komıssııasyna ózderiniń partııalyq tizimderin tapsyrǵan bolatyn. Búgin, Májilis depýtattarynyń kezekten tys saılaýyna saıası partııalar atynan úmitkerler usynylatyn sońǵy kún. Osy ýaqytta Ortalyq saılaý komsısııasyna úmitkerler tizimin usyný maqsatynda «Aq jol» partııasynyń ókilderi de keldi.
