Májilis depýtattarynyń qaraýyna birqatar halyqaralyq aktilerge baılanysty qujattar toptamasy usynylatyn bolady
ASTANA. 19 sáýir. QazAqparat - Búgin Májiliste Palata spıkeri Nýrlan Nyǵmatýlınniń tóraǵalyǵymen ótken Bıýro otyrysynda aldaǵy ótetin jalpy otyrystyń kún tártibiniń jobasy qaraldy.
Depýtattardyń qaraýyna birqatar halyqaralyq aktilerge baılanysty qujattar toptamasy usynylatyn bolady, dep habarlaıdy Májilistiń baspasóz qyzmeti.
Olar: «Qazaqstan Respýblıkasy men Halyqaralyq Qaıta Qurý jáne Damý Banki arasyndaǵy № 7681-KZ Qaryz týraly kelisimge («Ońtústik-Batys» avtomobıl joldaryn damytý jobasy: Batys Eýropa - Batys Qytaı halyqaralyq tranzıt dálizi (OAÓEY 1b jáne 6b)) túzetýlerge qatysty Qazaqstan Respýblıkasy men Halyqaralyq Qaıta Qurý jáne Damý Banki arasyndaǵy kelisim hatty ratıfıkatsııalaý týraly» jáne «Qazaqstan Respýblıkasy men Halyqaralyq Qaıta Qurý jáne Damý Banki arasyndaǵy Qaryz týraly kelisimdi («Shyǵys-Batys» avtomobıl joldaryn damytý jobasy (Almaty-Qorǵas ýchaskesi): Batys Eýropa - Batys Qytaı halyqaralyq tranzıt dálizi (OAÓEY 1b)) ratıfıkatsııalaý týraly» zań jobalary.
Sondaı-aq osy aıtylǵan toptamalar qatarynda «Qazaqstan Respýblıkasy men Ispanııa Koroldigi arasyndaǵy ustap berý týraly shartty ratıfıkatsııalaý týraly» jáne «Qazaqstan Respýblıkasy men Ispanııa Koroldigi arasyndaǵy sottalǵan adamdardy berý týraly shartty ratıfıkatsııalaý týraly» zań jobalary bar.
Jalpy otyrystyń kún tártibine «Qazaqstan Respýblıkasynyń keıbir zańnamalyq aktilerine qarjy-ekonomıkalyq qylmystardy odan ári qylmystyq sıpattan aryltý máseleleri boıynsha ózgerister men tolyqtyrýlar engizý týraly» zań jobasyn ekinshi oqylymǵa shyǵarý máselesi de qoıyldy.
Sonymen qatar Palataǵa «Qazaqstan Respýblıkasynyń keıbir konstıtýtsııalyq zańdaryna konstıtýtsııalyq merzimderdi esepteý máseleleri boıynsha ózgerister men tolyqtyrýlar engizý týraly» Konstıtýtsııalyq zańynyń jobasyna qorytyndy ázirleý merzimin naqtylaý usynyldy.
Osyndaı sheshimdi Palata tómendegi zań jobalaryna da qabyldaǵaly otyr, olar: «2007 jylǵy 18 tamyzdaǵy Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy Qazaqstan - Qytaı gaz qubyryn salý men paıdalanýdaǵy yntymaqtastyq týraly kelisimge ózgerister men tolyqtyrýlar engizý týraly hattamany ratıfıkatsııalaý týraly», «1992 jylǵy 25 mamyrdaǵy Qazaqstan Respýblıkasy men Reseı Federatsııasy arasyndaǵy dostyq, yntymaqtastyq jáne ózara kómek týraly shartqa ózgerister engizý týraly hattamany ratıfıkatsııalaý týraly», «Qazaqstan Respýblıkasynyń Úkimeti men Belarýs Respýblıkasynyń Úkimeti arasyndaǵy dıplomatııalyq ókildikterdi ornalastyrý úshin jer ýchaskelerin ózara berý týraly kelisimdi ratıfıkatsııalaý týraly», «Qazaqstan Respýblıkasy men Cheh Respýblıkasy arasyndaǵy Investıtsııalardy kótermeleý jáne ózara qorǵaý týraly kelisimge ózgerister men tolyqtyrýlar engizý týraly Qazaqstan Respýblıkasy men Cheh Respýblıkasy arasyndaǵy hattamany ratıfıkatsııalaý týraly» zań jobalary.
