Májilis depýtattaryn saılaý quqyǵy QHA-nyń aıryqsha mártebesin moıyndaý bolyp tabylady - G. Ábdiqalyqova
ASTANA. QazAqparat - Májilis depýtattaryn saılaý quqyǵy Qazaqstan halqy Assambleıasynyń aıryqsha mártebesin moıyndaý bolyp tabylady. Búgin Astanada QHA-nyń kezekten tys HHІІІ sessııasynda QR Memlekettik hatshysy Gúlshara Ábdiqalyqova málim etti.
«Keshe Parlament Májilisiniń 98 depýtatyn saılaý rásimi ótti, ıaǵnı olardy eldiń azamattar partııalyq tizim boıynsha tańdady. Al búgin joǵary zańnamalyq organda Qazaqstan halqy Assambleıasynyń atynan 9 depýtatty saılaý mindeti tur. Bundaı quqyq Qazaqstan halqy Assambleıasyna 2007 jylǵy konstıtýtsııalyq reforma boıynsha berilgen bolatyn. Osy arqyly eldiń barlyq etnostaryna kepildi parlamenttik ókildik qamtamasyz etilgen»,-dedi G. Ábdiqalyqova.
Bul rette Memlekettik hatshy Májilis depýtattaryn saılaý quqyǵy Assambleıanyń aıryqsha mártebesin moıyndaý bolyp tabylatynyn, sondaı-aq eldiń ómirinde qoǵamdyq kelisim men jalpyulttyq birliktiń joǵary róline erekshe mán berilip otyrǵanyn atap ótti.
Dál qazirgi ýaqytta Assambleıa músheleri Májilis depýtattyǵyna usynylǵan kandıdattarǵa daýys berip jatyr.
