Májilis depýtattary jumys saparymen Almaty oblysyna keldi
TALDYQORǴAN.QazAqparat - Qazaqstan Respýblıkasy Parlamanti Májilisiniń qarjy jáne bıýdjet komıteti Almaty oblysynda kóshpeli jıyn ótkizdi, dep habarlaıdy QazAqparat tilshisi.
Basqosýda halyq qalaýlylary salyq kodeksine engiziletin ózgertýlerdi talqylady. Jalpy Almaty oblysynyń bıýdjeti sońǵy úsh jylda 51 paıyzǵa ósip, 2016 jyly 140 mlrd teńgege jýyqtady. Bul toqtap turǵan kásiporyndardy iske qosyp, jańa jobalardy júzege asyrýdyń nátıjesinde múmkin bolyp otyr. Májilis depýtattary ondaı kásiporyndardy óz kózimen kórip, iri salyq tóleýshilermen pikir almasty.
«Ár jerde is qalaı júrip jatqanyn kórip jatyrmyz. Eldiń kóńil-kúıin kórip jatyrmyz. Ár jerde jańadan ashylyp jatqan óndiristermen tanysyp, olarǵa qandaı kómek kerek ekenin anyqtap, sony zerttep baryp, zańdy túrde zańdarǵa kóp ózgerister engizemiz», - dedi Májilis depýtaty Qojahan Jabaǵıev.
Sondaı-aq, halyq qalaýlylary jańa salyq júıesi tutas eldiń áleýmettik-ekonomıkalyq ahýalyn jaqsartýǵa baǵyttalǵanyn atap ótti.
