Májilis depýtattary Jambyldaǵy gıps zaýytynyń eńbek ujymymen kezdesti
TARAZ. QazAqparat - Májilis depýtattary Jambyl oblysyndaǵy gıps óndirý zaýytynyń eńbek ujymymen kezdesti, dep habarlaıdy QazAqparat Májilistiń baspasóz qyzmetine silteme jasap.
Búgin Májilis depýtattary Mansurhan Mahambetov, Bekbolat Tileýhan, Serik Qusaıynov, Petr Sharapaev Jambyl oblysyndaǵy gıps jáne gıpsokarton óndiretin zaýyttyń eńbek ujymymen kezdesti.
«Úsh jyl buryn salynǵan zaýyt kúnine 500 tonna gıps pen 100 myń sharshy metr gıpsokarton óndiredi. Búgingi kúni kásiporynóz ónimderin Almaty, Nur-Sultan, Jambyl, Qyzylorda, Túrkistan, Mańǵystaý oblystaryna jetkizedi. Zaýyt qyzmetkerlerimen áńgime barysynda depýtattar Tuńǵysh Prezıdent - Elbasy Nursultan Nazarbaevtyń áleýmettik bastamalary týraly jáne qoıylǵan mindetterdi oryndaý úshin qandaı zańnamalyq jumys atqarylyp jatqany jaıynda aıtyp berdi», delingen habarlamada.
Depýtattar bıznestiń áleýmettik jaýapkershiligi týraly aıta kele, zaýyt qyzmetkerleri óndiristi keńeıtýmen qatar, kásiporynnyń aýdan men oblystyń az qamtylǵan azamattaryna áleýmettik kómek kórsetý máselelerine úlken nazar aýdaratynyn atap ótti.
