Májilis depýtattary Túrkistan oblysynyń turǵyndarymen kezdesti

TÚRKІSTAN. QazAqparat - Túrkistan oblysyna Májilis depýtattary arnaıy is-saparmen keldi. Nur Oran fraktsııasynyń músheleri Erjan Qudaıbergenov pen Darhan Myńbaı, Elnur Beısenbaevtar saılaýshylarmen kezdesýler ótkizip, partııanyń saılaýaldy baǵdarlamasyn iske asyrýǵa arnalǵan jol kartasynyń oryndalýyn qadaǵalady, dep habarlaıdy QazAqparat tilshisi.

Parlament depýtattary óńirdiń áleýmettik-ekonomıkalyq damý barysyn baǵamdady. Oblys ákiminiń birinshi orynbasary Arman Jetpisbaıdyń qabyldaýynda bolǵan depýtattary Túrkistan oblysyn damytý baǵytyndaǵy atqarylyp jatqan jumystar men Nur Oran partııasynyń «Ózgerister joly: Ár azamatqa laıyqty ómir!» saılaýaldy baǵdarlamasyn oryndaý jónindegi Jol kartasynyń Túrkistan oblysy boıynsha júzege asyrylý barysyn talqylady.

Óńirdegi birqatar ózekti máselelerdi kóterip, oblys basshylyǵymen olardyń sheshý joldaryn ortaǵa saldy. Qazirgi tańda Túrkistan oblysynyń árbir aýdan, qalasy jáne oblystyq deńgeı boıynsha 17 Jol kartasy ázirlenip, júzege asyrylyp jatyr. Sonymen qatar, Májilis depýtattary Túrkistan oblysynyń damýyna joǵary baǵa berip, basty zań shyǵarýshy organdaǵy atqarylyp jatqan jumystar men jańa zań jobalaryna toqtalyp ótti.