Májilis depýtattary Temirhan Dosmuhambetovti bir mınýt únsizdikpen eske aldy

NUR-SULTAN. QazAqparat – Búgin Májilis depýtattary jalpy otyrysta qaıtys bolǵan belgili memleket jáne qoǵam qaıratkeri Temirhan Dosmuhambetovti bir mınýt únsizdikpen eske aldy, dep habarlaıdy QazAqparat tilshisi.

«1 qarashada belgili memleket jáne saıası qaıratker, tanymal tulǵa, Parlament Májilisiniń besinshi shaqyrylym depýtaty Temirhan Myńaıdaruly Dosmuhambetov ómirden ótti. Ol Qazaqstanymyzdyń saıası-ekonomıkalyq damýyna, týrızm jáne sport salasynyń ósip-órkendeýine úlken úles qosty. Parlament depýtaty bolyp elimizdiń zań salasynyń qalyptasýyna da zor yqpal etti», - dedi Májilis tóraǵasy Nurlan Nyǵmatýlın.

Osy oraıda T. Dosmuhambetov ózine júktelgen qyzmetin úlken abyroımen atqarǵany atap ótildi.

«Táýelsiz Qazaqstan tarıhynda óshpes iz qaldyrǵan Temirhan Myńaıdarulynyń aqjarqyn asyl beınesi júregimizde máńgi saqtalady. Marqumnyń otbasyna jáne barsha jaqyndaryna orny tolmas aýyr qaıǵyǵa ortaqtasyp kóńil aıtamyz», - dedi N. Nyǵmatýlın.

Jalpy otyrystyń basynda depýtattar Gleb Şegelskııdi bir mınýt únsizdikpen eske aldy.

Budan buryn habarlanǵandaı, Qazaqstan Prezıdenti kórnekti memleket jáne qoǵam qaıratkeri Temirhan Dosmuhambetovtiń otbasyna kóńil aıtý jedelhatyn joldady.