Májilis depýtattary Syr óńirindegi jurtshylyqpen júzdesti

QYZYLORDA. 30 qarasha. QazAqparat - Qazaqstan Respýblıkasy Parlamenti Májilisiniń depýtattary Qyzylorda oblysynda jumys saparymen bolyp, saılaýshylarmen kezdesýler ótkizýde. Bul týraly oblys ákiminiń baspasóz qyzmetinen habarlady.

Syr óńirine bul joly qadam basqan halyq qalaýlylarynyń arasynda «Nur Otan» partııasy fraktsııasynyń músheleri Seıitsultan Áıimbetov, Baqytjan Ertaev, Ýálıhan Bıshimbaev bar. Olar oblystyń Syrdarııa, Jalaǵash, Shıeli, Jańaqorǵan aýdandarynyń jáne Qyzylorda qalasynyń tynys-tirshiligimen tanysty. Halyqpen júzdesip, oı-pikirlerin tyńdady. Parlamentarııler jumys sapary aıasynda partııanyń saılaýaldy tuǵyrnamasynyń oryndalýy jaıly aıtyp berip, aımaqtaǵy ózekti máselelerge nazar aýdardy. Olar sonymen qatar, birqatar memlekettik baǵdarlamalardyń oryndalý barysyna nazar aýdardy.