Májilis depýtattary sybaılas jemqorlyq quqyq buzýshylyqtar jasaýǵa yqpal etetin normalardy joıý máseleleri boıynsha zań jobasyn talqylaıdy
ASTANA. 29 naýryz. QazAqparat - Búgin Májiliste Palata spıkeri Nurlan Nyǵmatýlınniń tóraǵalyǵymen ótken Bıýro otyrysynda aldaǵy ótetin jalpy otyrystyń kún tártibiniń jobasy qalyptastyryldy.
Bul týraly Májilistiń baspasóz qyzmeti habarlady.
Depýtattardyń talqylaýyna «Qazaqstan Respýblıkasynyń keıbir zańnamalyq aktilerine ártúrli zańnamalyq aktilerdiń quqyq normalary arasyndaǵy qaıshylyqtardy, olqylyqtardy, kollızııalardy jáne sybaılas jemqorlyq quqyq buzýshylyqtar jasaýǵa yqpal etetin normalardy joıý máseleleri boıynsha ózgerister men tolyqtyrýlar engizý týraly» QR Zańynyń jobasy birinshi oqylymda shyǵarylady.
Sonymen birge, parlamentshiler qaraýyna «Qazaqstan Respýblıkasynyń keıbir zańnamalyq aktilerine adam saýdasyna qarsy is-qımyl máseleleri boıynsha ózgerister men tolyqtyrýlar engizý týraly» QR Zańynyń jobasy da birinshi oqylymda usynylyp otyr.
Sondaı-aq, depýtattar ekinshi oqylymda ««Quqyq qorǵaý qyzmeti týraly» Qazaqstan Respýblıkasynyń Zańyna ózgeris pen tolyqtyrýlar engizý týraly» Zań jobasyn qaraıtyn bolady.
Palatanyń aldaǵy jalpy otyrysynda sonymen qatar, «1923 jylǵy 12 qyrkúıekte Jenevada jasalǵan, 1947 jylǵy 12 qarashada Nıý-Iork, Leık Saksesste qol qoıylǵan Hattamaǵa sáıkes engizilgen túzetýlerimen Pornografııalyq basylymdar aınalymynyń jáne olardy saýdalaýdyń jolyn kesý týraly halyqaralyq konventsııany ratıfıkatsııalaý týraly» Zań jobasyn jáne «2008 jylǵy 25 qańtardaǵy Keden odaǵynyń kedendik shekarasy arqyly ótkiziletin taýarlardyń kedendik qunyn aıqyndaý týraly kelisimge ózgerister men tolyqtyrýlar engizý týraly hattamany ratıfıkatsııalaý týraly», «Qazaqstan Respýblıkasynyń Úkimeti men Birikken Arab Ámirlikteriniń Úkimeti arasyndaǵy Tabysqa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly konventsııany jáne oǵan Hattamany ratıfıkatsııalaý týraly» Zań jobalaryna qorytyndy mezgilin belgileýdi qaraý usynylyp otyr.
Parlament Májilisiniń Tóraǵasy N.Nyǵmatýlın salalyq komıtetterge atalǵan zań jobalardy muqııat ázirleýdi tapsyrdy.
