Májilis depýtattary SQO-daǵy kadr tapshylyǵy máselelerin talqylady
Búginde Petropavl elektr tehnıkalyq jabdyq zaýyty óz aınalymyn arttyrýda. Jaqynda burynǵy shaǵyn lıtrajdy qozǵaltqysh zaýytynyń bos ǵımarattary boldy. Alaıda, qazir memlekettiń qoldaýynyń jáne ınvestor qarajattarynyń arqasynda tsehtar jumysyn qaıta bastaıdy. Qurylys jumystary aıaqtalýǵa jaqyn, kásiporyn kelesi jyldyń basynda tolyq qýatyna shyǵady. Obektidegi rekonstrýktsııalaý óndirispen qatar júrgizilýde.
Bul joba «Nur Otan» partııasynyń saılaýaldy baǵdarlamasynda belgilengen bolatyn. Transformatorlar men ózge de elektr tehnıkasyn óndirýge ınvestıtsııa retinde 12 mlrd. teńgege jýyq qarajat bólindi. Onyń 8-in qazaqstandyq «Alageum Electric» kompanııasy saldy. Al, shamamen 4 mlrd. teńgeni memlekettik ınvestıtsııalar qurady. Qarajattyń kóp bóligi ıgerilgen. Kásiporyn jabdyqtar satyp alyp, 2020 jyldyń mamyr aıynda bastalǵan óndiristik úı-jaılardy qaıta jóndeýden ótkizdi.
Osy jyldyń sońyna qaraı zaýytta 3 myńǵa deıin transformator shyǵarý josparlanýda. Bolashaqta munda jyl saıyn 12 mlrd. teńge somasyna 13 myńǵa deıin elektr jabdyǵy shyǵarylady. Ónimniń 95 paıyzy Eýrazııalyq ekonomıkalyq odaq elderine eksporttalady. Transformatorlardyń alǵashqy partııasyn tamyz aıynda shyǵarý josparlanyp otyr. Qazir nysanda 140 adam jumys isteıdi. Osy jyldyń sońyna deıin munda 310 jumys ornyn ashý josparlanýda. Kásiporyn dırektory Maqsat Úsenbaevtyń aıtýynsha, koronavırýstyq ınfektsııaǵa baılanysty qurylys kezinde kadrlardyń jetispeýshiligi basty problemaǵa aınalǵan. Uqsas másele zaýyt tolyq iske qosylǵan kezde de týyndaýy múmkin. Kadrlardyń jetispeýshiligi óndiriske áser etpeýi úshin qazir jumyspen qamtý ortalyǵymen ózara is-qımyl jolǵa qoıyldy.
«Jyldyń sońyna deıin qalǵan ýaqytta jumysshylarmen tehnologııalar pysyqtalatyn bolady. Sondaı-aq, personaldy oqytý júrgiziletin bolady. Biz kompıýterlik saýattylyǵy bar mamandardy tartqymyz keledi. Joǵary oqý oryndarymen olardyń túlekterin oqýmen qatar tájirıbeden ótýi úshin memorandýmdar jasaımyz. Sodan keıin olarǵa kepildi jumysqa ornalasý usynylady», - dedi zaýyt dırektory.
Májilis depýtattary Erlik Taıjanov pen Dmıtrıı Koloda kásiporyn basshylyǵymen atalǵan máseleni kadrlardy qaıta daıarlaý esebinen sheshýge bolatynyn atap ótti.
«Kásiporyn úshin úlken artyqshylyǵy – óndiris 70 paıyzǵa avtomattandyrylǵan bolady. Iıa, kadr máselesi bar, biraq ol sheshiledi. Biz basshylyqpen sóılestik, MJÁ aıasynda biliktilikti arttyrý jáne qaıta daıarlaý kýrstary uıymdastyrylady. Tehnıkalyq jáne IT-bilimi bar mamandar tartylady. Bul baǵyt saılaýaldy baǵdarlamasynda da bar. Biz Soltústik Qazaqstan oblysynda onyń tıimdi júzege asyrylyp jatqanyn kórip otyrmyz, - dep atap ótti májilismen Dmıtrıı Koloda.
Búgingi tańda zaýyt aýmaǵynda 40 páterli bes qabatty úıdi qalpyna keltirý aıaqtalýda. Kelesi jyly jumysshylarǵa jańa 9 qabatty úıden 104 páter bólinbek. Jalpy turǵyn aýdany 21 myń sharshy metrdi quraıdy. Tıimdi óndiris úshin zaýytqa qonys aýdarýshylardyń 100 otbasy men shetelden mamandar shaqyrylady dep josparlanýda.
