Májilis depýtattary Shymkent mańynda qaza tapqan ushqyshtar men shekarashylardy bir mınýt únsizdikpen eske aldy
ASTANA. 26 jeltoqsan. QazAqparat - QR Parlament Májilisiniń jalpy otyrysynyń basynda depýtattar Shymkent mańynda bolǵan áýe apatynda qaza tapqan ushqyshtar men shekarashylardy bir mınýt únsizdikpen eske aldy.
«Ulttyq qaýipsizdik komıtetiniń Shekara qyzmetiniń ıeligindegi áskerı-kóliktik ushaqtyń qulaýy kezindegi qaıǵyly oqıǵada onyń ishinde eldiń Shekara qyzmeti bastyǵynyń ýaqytsha mindetin atqarýshysy, polkovnık Stambekov basqarǵan barlyq adamdar qaza boldy. Barlyǵymyz Turǵanbek Muhametqalıulyn da, onyń áriptesterin de jaqsy biletin edik, olarmen birge jaqynda ǵana Parlament qabyrǵasynda memlekettik shekaraǵa qatysty mańyzdy zań jobasymen belsendi jumys istegen bolatynbyz.
Bul asa aýyr qaıǵyly oqıǵa. Biz qaza tapqandardyń týǵan-týystaryna kóńil aıtamyz», - dedi Májilis Tóraǵasy Nurlan Nyǵmatýlın.
Buryn habarlanǵandaı, aǵymdaǵy jyldyń 25 jeltoqsanynda saǵat 18:55-te Shymkent qalasynyń mańynda QR UQK Shekara qyzmetiniń áskerı-kólik ushaǵy apatqa ushyrady. Ushaq bortynda bolǵan barlyq 27 adam, sonyń ishinde 7 ekıpaj múshesi qaza tapty.
