Májilis depýtattary Shymkent qalasynyń jastarymen kezdesti

ShYMKENT. QazAqparat - QR Parlamenti Májilisiniń depýtattary, «Nur Otan» partııasy fraktsııasynyń músheleri Erman Muhtar Tildábekuly, Ospanov Berik Serikuly, Qarataev Fahrıddın Ábdinabıuly, Bekjanov Berik Aıdarbekuly, Shymkent qalasynyń jastarymen kezdesti, dep habarlaıdy QazAqparat tómengi palatanyń baspasóz qyzmetine silteme jasap.

Shymkent qalasynda 14-35 jas aralyǵynda 365,9 myńnan astam jas turady. ıAǵnı halyqtyń jalpy sanynan 35%-dy qurap otyr. 7 JOO-da 76 myńnan astam jastar jáne 37 tehnıkalyq jáne kásiptik bilim berý mekemelerinde 37 myńnan astam jastar oqıdy. Qalada 4 Jastar resýrstyq ortalyǵy, 173 jastar uıymy, «Jas Otan» jastar qanatynyń 12 bólimshesi jumys isteıdi. «Nur Otan» partııasynyń 35 jasqa deıingi músheleriniń sany búgingi tańda 8,3 myń jasqa jetti. (qaladaǵy partııa músheleriniń jalpy sanynan 23,8%).

Májilis depýtattary Memleket basshysy Qasym-Jomart Kemeluly Toqaevtyń jastarǵa baılanysty bergen naqty tapsyrmalaryn talqylaý maqsatynda qala jastarymen, onyń ishinde NEET sanatyndaǵy jastar, jas sportshylar, jas kásipkerler, shalǵaı eldi mekenderdegi jastarmen júzdesip, mańyzdy taqyryptar qozǵaldy.

Úkimettiń keńeıtilgen otyrysynda Memleket basshysy Qasym-Jomart Toqaev: «Jańa Qazaqstandy qurý úshin túsinikti ári ádil memlekettik saıasat júrgizilýi kerek» – dedi. Sondaı-aq, Prezıdent elimizdegi jastardyń shynaıy múmkindikteri týraly aşy shyndyqty aıtty. Naqtyraq aıtsaq, Qasym-Jomart Kemeluly óz sózinde: «Ókinishke qaraı, jastar mańdaı terin tógip, jumys istegisi kelmeıdi. Óıtkeni, olar bizde adal eńbek laıyqty baǵalanbaıdy dep oılaıdy. Jastar bastyqtar men aýqattylarǵa jaqyn júretin túrli alaıaqtardyń, jemqorlardyń shalqyp ómir súrip jatqanyn kórip otyr», - dep eldegi tabysqa jetýdiń tóte joly osy degen qate túsiniktiń bar ekenin naqty kórsetti.

Kezdesýde jastardyń bilimi men biliktiligin jetildirý, jumyssyzdyq, jańa ekonomıkaǵa qajetti kadr tapshylyǵyn sheshý, baspana, sekildi ózekti problemalardy joıýda birlesip jumys atqarý mańyzdylyǵy aıtyldy. Jastar kókeılerinde júrgen túrli suraqtartardy halyq qalaýlaryna qoıa otyryp, ózderiniń usynys-tilekterin de jetkizdi.

Memlekettik jastar saıasaty – qoǵamnyń strategııalyq resýrstarynyń damýynyń mańyzdy baǵyttarynyń biri. Partııa qurylǵan sátten-aq janynda Jastar qanatyn qurý týraly sheshim qabyldap, árdaıym jastardy qoldap keledi. Qanshama aýqymdy sharalar iske asyrylyp, naqty jobalar oryndaldy. Aldaǵy ýaqytta kemshiliktermen kúresip, Jańa Qazaqstandy qurý jolynda jastarmen birlese otyryp, jumystardy jalǵastyratyn bolady.