Májilis depýtattary Shymkent qalasynda koronavırýspen kúres sharalarynyń tıimdiligine baǵa berdi

ShYMKENT. QazAqparat - Májilis depýtattary Ýálıhan Qaınazarov, Sáken Qanybekov jáne Mansurhan Mahambetov Shymkent qalasyndaǵy medıtsınalyq mekemege, ıaǵnı 16 maýsymnan bastap 30 oryndyq provızorlyq bólimge aınalǵan kardıologııalyq ortalyqqa bardy, dep habarlaıdy QazAqparat Májilistiń baspasóz qyzmetine silteme jasap.

Kardıologııalyq ortalyqta bul jerde koronavırýs jáne pnevmonııa dıagnozy qoıylǵan jáne aýyr júrek-qan tamyrlary aýrýlary bar emdelýshilerge qajetti kómek kórsetiledi. Bólimde jasandy tynys alý apparaty tıimsiz bolyp, erekshe aýyr jaǵdaılarda qoldanylatyn EKMO tehnologııasyn (ekstrakorporaldy membrana ottegimen) paıdalaný múmkindigi bar.

Ýaqytsha bólimniń jumysy barysynda eki jaqty aýyr pnevmonııa jáne koronavırýs ınfektsııasyna qatysty júrek-qan tamyrlary asqynýy bar 126 naýqas saýyǵyp shyqqan.

Medıtsına qyzmetkerlerimen áńgimelesý barysynda Májilis depýtattary provızorlyq bólim qyzmetkerleri jeke qorǵanys quraldarymen jáne kúnine úsh ret tamaqpen qamtamasyz etilgenine kóz jetkizdi.

Sonymen qatar, dárigerler kótergen problemalyq máselelerdiń biri – qosymsha jasandy tynys alý apparaty, monıtor jáne perfýzerge qajettilik bar. Al, ottegi qajettiligin qamamasyz etý úshin, ottegi stansasyn salý týraly da másele kóterildi. Atalǵan stansany ornatýǵa qarajat tabý qala ákimdiginiń aıtyldy.

Sondaı-aq, qazirgi ýaqytta kardıoortalyqta josparly ota jasaý múmkin emestigi sııaqty problemalarǵa (koronografııa jáne júrek tamyrlaryn stentteý jáne t.b.) erekshe nazar aýdaryldy. Óıtkeni, kardıologııalyq ortalyqqa tek Shymkent qalasynyń turǵyndary ǵana emes, sonymen birge Túrkistan oblysynyń turǵyndary júginedi.

Májilis depýtattay dárihanalar men dárihana qoımalaryna baryp, jaǵdaıdy turaqtandyrý boıynsha qabyldanǵan sharalardyń nátıjelerimen tanysty. Aıta ketý kerek, dárini ákelý tártibin jeńildetý dárihanalardy qajetti dári-dármektermen qamtamasyz etýdi aıtarlyqtaı jaqsartqan.