Májilis depýtattary shahtada qaza tapqandardy bir mınýt únsizdikpen eske aldy

ASTANA. QazAqparat – Búgin Májilistiń jalpy otyrysynda depýtattar «ArselorMıttal Temirtaý» AQ-ǵa tıesili Lenın atyndaǵy shahtadaǵy apatta qaza tapqandardy bir mınýt únsizdikpen eske aldy, dep habarlaıdy QazAqparat tilshisi.

«3 qarashada Qaraǵandy oblysy Shahtınsk qalasyndaǵy shahtada bolǵan apattyń saldarynan 5 adamnyń qaza tapqany bárimizge belgili. Barlyq depýtattyq korpýstyń atynan qaıtys bolǵan kenshilerdiń otbasy men jaqyndarynyń qaıǵysyna ortaqsasyp, kóńil aıtamyn», - dedi Májilis tóraǵasy Erlan Qoshanov.

Budan buryn habarlanǵandaı, 3 qarashada dál osy «ArselorMıttal Temirtaý» AQ Kómir departamentine tıesili Lenın atyndaǵy shahtada apat boldy. Apattan 5 kenshi kóz jumdy.

Vıdeodan alynǵan kadr