Májilis depýtattary saılaýynyń bıýlletenderin «Qazaqstan Respýblıkasy Ulttyq bankiniń banknot fabrıkasy» daıyndaıtyn bolady
TANA. 24 qarasha. QazAqparat /Aıdar Ospanalıev/ - Búgin Ortalyq saılaý komıssııasy kezekti otyrys barysynda 2012 jyldyń 15-shi qańtaryna taǵaıyndalǵan Parlament Májilisi depýtattarynyń
kezekten tys saılaýyna jáne máslıhat depýtattarynyń kezekti saılaýyna saılaý bıýlletenderin daıyndaý týraly qaýly qabyldady.
Ortalyq saılaý komıssııasynyń hatshysy Baqyt Meldeshovtyń aıtýynsha, atalmysh qaýlyǵa sáıkes, Májilis depýtattarynyń kezekten tys saılaýyndaǵy paıdalanylatyn bıýlletenderdi «Qazaqstan Respýblıkasy Ulttyq bankiniń banknot fabrıkasy» sharýashylyq júrgizý quqyǵyndaǵy respýblıkalyq memlekettik kásiporny daıyndaıtyn bolady. Al máslıhat depýtattaryn saılaý boıynsha saılaý bıýlletenderin tórt óńirlik uıym basyp shyǵarady. Barlyq bıýlletender qajetti deńgeıde qorǵaý sharalarymen qamtamasyz etiledi.
