Májilis depýtattary Rýdnyıdaǵy tsıfrlyq emhananyń jumysymen tanysty
QOSTANAI. QazAqparat - Bir top Májilis depýtaty Rýdnyı qalasyna jumys saparymen keldi, dep habarlaıdy QazAqparat.
Keshe halyq qalaýlylary oblystyq máslıhat depýtattarymen jáne «Nur Otan» partııasynyń ókilderimen kezdesip, sapar maqsaty týraly baıan etken-di. Búgin Májilis depýtattary - Gleb Shegelskıı, Quralaı Qaraken, Arman Qojahmetov, Olga Shıshıgına, Snejanna Imashevalar Rýdnyı qalasyna bardy. Olar aldymen«Jelqýar» JShS dıagnostıkalyq ortalyǵynyń jumysymen tanysty.
Bul emdeý mekemesi turǵyndarǵa medıtsınalyq jáne stomatologııalyq qyzmet túrlerin kórsetedi. Ázirge, bul - qaladaǵy jalǵyz tsıfrlyq emhana. Halyqty tirkeý boıynsha jumys ońtaılandyrylyp, ýaqyt únemdep, dıagnostıka sharalary tsıfrly formatta usynylady. Bir kezekte emhana 200-ge jýyq turǵyndy qabyldaı alady.
Budan keıin depýtattar Rýdnyı tsement zaýytyna bas suqty. Atalmysh zaýyttyń qýattylyǵy - jylyna 500 myń tonna ónim. Halyq qalaýlylary eńbek ujymymen kezdesip, olardyń suraqtaryna jaýap berdi.
Jumys sapary sońynda zaýyt tsehtaryn aralap, memlekettik baǵdarlamalardyń iske asyrylý barysyna oń baǵa berdi.
