Májilis depýtattary reseılik zańgerlermen zań qabyldaý jáne sot júıesine qatysty birqatar máselede tájirıbe almasty
ASTANA. QazAqparat - Búgin Parlament Májilisiniń zańnama jáne sot-quqyqtyq reforma komıtetiniń hatshysy Svetlana Bychkova bastaǵan bir top depýtaty RF Prezıdentiniń keńesshisi Venıamın ıAkovlev bastaǵan «Reseı zańgerleriniń assotsıatsııasy» búkilreseılik qoǵamdyq uıymynyń delegatsııasymen kezdesti, dep habarlady Májilistiń baspasóz qyzmetinen.
Áńgimelesýdiń basty taqyryby - zańnamalyq bastama, ony ázirleý, talqylaý jáne zań qabyldaý, sot júıesine, maman ázirleýge jáne sottardy taǵaıyndaýǵa, sottardyń táýelsizdigin nyǵaıtýǵa qatysty boldy.
Taraptar memlekettik jáne jekemenshik sot oryndaýshylardyń, tórelik sot sheshimderiniń oryndalýy taqyrybyn da qozǵady.
Áńgime sońynda olar atalǵan ózekti máselelerdiń zańnamalyq sheshimin tabýda tájirıbe almasý úshin Parlamentte búgingideı kezdesýler ótkizýdi aldaǵy kezde de jalǵastyrýǵa kelisti.
