Májilis depýtattary Pavlodardaǵy zaýyttardyń jumysymen tanysty
ASTANA. QazAqparat - QR Parlamenti Májilisiniń depýtattary Meıram Pshembaev pen Artýr Platonov Pavlodar oblysyna sapar barysynda «Qazaqstan elektrolız zaýyty» AQ men «Qazaqstan alıýmınıi» AQ-da boldy. Onda depýtattar kásiporyn tsehtaryndaǵy óndiris barysymen tanysty, dep habarlady primeminister.kz.
Májilismender sapar barysynda atalǵan kásiporyndardyń eńbek ujymymen kezdesti. Kezdesý kezinde turǵyn úı, kommýnaldyq sharýashylyq, bilim berý men zeınetaqy salalary boıynsha qalyptasqan máseleler qaraldy.
Budan soń, Májilis depýtattary tústi metallýrgııa kolledjiniń aımaǵynda ornalasqan Stýdentter úıinde boldy. Depýtattar Stýdentter úıiniń turmystyq múmkindikterine joǵary baǵa berdi. Jataqhanasy ótken jyldyń sońynda memlekettik-jekeshelik áriptestiginiń aıasynda salynǵan.
Aıta ketetin másele, Parlament Májilisiniń depýtattary M.Pshembaev pen A.Platonovtyń Pavlodar oblysyna saparlary qańtardyń 12-ne deıin jalǵasady.
