Májilis depýtattary Pavlodardaǵy kardıoortalyqtyń jumysymen tanysty
NUR-SULTAN. QazAqparat - Májilis depýtattary Pavlodardaǵy kardıoortalyqta bolyp, dárigerlermen halyqtyń densaýlyǵyn jaqsartý máselelerin talqylady, dep habarlaıdy QazAqparat Májilistiń baspasóz qyzmetine silteme jasap.
Májilis depýtattary, «Nur Otan» partııasy parlamenttik fraktsııasynyń músheleri Gleb Şegelskıı, Olga Shıshıgına jáne Aleksandr Sýslov Pavlodar oblysynda saılaýshylarmen kezdesýlerin bastady. Búgin halyq qalaýlylary elimizdegi jetekshi medıtsınalyq mekemelerdiń biri sanalatyn kardıologııalyq ortalyqtyń jumysymen tanysty.
Qazirgi kezde kardıoortalyq zamanaýı kardıohırýrgııa men ınterventsııalyq kardıologııanyń barlyq baǵyttaryn biriktiredi jáne eresekterge de, balalarǵa da kómek kórsetedi.
Kezdesý barysynda Májilis depýtattary ortalyqtyń múmkindikterin erekshe atap ótti. Atap aıtqanda, kóptegen aýrýlardy zertteý jáne anyqtaý tásilderi, júrek-qantamyr júıesiniń túrli aýrýlaryn jyldam jáne sapaly dıagnostıkalaýǵa múmkindik beretin dıagnostıkalyq emsharalardyń túrleri jáne taǵy basqalar sóz boldy.
«Pavlodar kardıoortalyǵy zamanaýı joǵary tehnologııalyq medıtsınalyq quraldarmen jabdyqtalǵan. Bul halyqtyń ómir súrý uzaqtyǵyn arttyrýǵa jáne sapasyn jaqsartýǵa múmkindik beredi», - dedi depýtat Olga Shıshıgına.
