Májilis depýtattary Oralda «Zenıt» zaýyty ujymymen kezdesti
ORAL. QazAqparat - BQO-ǵa jumys saparymen kelgen Májilis depýtattary Baqtııar Máken, Snejanna Imasheva, Olga Shıshıgına «Oral «Zenıt» zaýyty» AQ ujymymen kezdesti, dep habarlaıdy «QazAqparat» HAA tilshisi.
Onda depýtattar Elbasynyń bılik tarmaqtary arasynda ókilettikterdi qaıta bólý máseleleri týraly Úndeýi men «Qazaqstannyń úshinshi jańǵyrýy: jahandyq básekege qabilettilik» atty Joldaýy jóninde sóz qozǵady. O.Shıshıgına men S.Imasheva memlekettik basqarý júıesine engizilgeli otyrǵan ózgeristerge toqtalsa, B.Máken Joldaýdyń negizgi basym baǵyttary týrasynda áńgimelep berdi. Jıyrma bes jyl ishinde kóptegen tabystarǵa qol jetkizip, álemge tanylǵan Qazaqstan endi úshinshi jańǵyrtý kezeńine qadam baspaq. Elbasynyń atap ótkenindeı, «100 naqty qadam» Ult jospary bazasynda júzege asatyn bul kezeńde ekonomıka jedeldetilgen túrde tehnologııalyq jaǵynan jańǵyrtylyp, bıznes-ortany túbegeıle jaqsartýǵa baǵyt ustalady. Oǵan qosa makroekonomıkalyq turaqtylyq pen adamı kapıtal sapasyn jaqsartýǵa erekshe mán beriledi. Sondaı-aq ınstıtýtsıonaldyq ózgeristerge, qaýipsizdikke, sybaılas jemqorlyqpen kúreske baılanysty tıisti sharalar alynady. Munyń bári el birligi men jappaı qoldaýynyń arqasynda ǵana júzege asady. Sondyqtan ár salada bolǵaly turǵan ózgeris-jańalyqtarǵa ár azamattyń belsene atsalysqany mańyzdy.
Kezdesý barysynda depýtattar qazirgi zamanǵy kemeler qurastyryp, Qazaqstannyń damýyna óz úlesterin qosyp otyrǵan zaýyt jumysshylaryna aldaǵy ýaqytta da tabysqa jetýlerine tilektestigin bildirip, sonymen qatar konstıtýtsııalyq ózgeristerge qatysty óz usynys-tilekterin zań shyǵarýshy organǵa jetkizýdi usyndy.
