Májilis depýtattary óńirlerde óndiristik salany tsıfrlandyrý máselelerin talqylady

ASTANA. QazAqparat -  Májilis depýtattarynyń aımaqtarǵa sapary barysynda Elbasynyń tapsyrmalaryn oryndaýǵa onyń ishinde, ekonomıkany tsıfrlandyrý, agroónerkásiptik keshendi zańnamalyq qoldaýǵa nazar aýdaryldy, dep habarlaıdy Májilistiń baspasóz qyzmeti.
None
None

Atap aıtqanda, Májilis depýtattary Meıram Pishembaev, Albert Raý, Aleksandr Sýslov, Aıgúl Nurkına, Aızada Qurmanova men Anar Jaıylǵanova Pavlodar oblysynda  óńirdegi iri óndiris oryndaryna bardy. 

Májilismender «Qazaqstan alıýmınıı» zaýytynda óndiris protsesimen  tanysyp, eńbek ujymymen kezdesip, óndiristik salany tsıfrlandyrý máselelerin talqylady.

 «Alıýmınıı zavody - bul óte qýatty, elimizde ǵana emes, shetelde de úlken suranysqa ıe ónim shyǵaratyn alyp óndiris orny. Búginde zavodta jańa tehnologııalardyń engizilip jatqanyn kórdik. Tsıfrlandyrý júzege asyrylýda. Bul zavodtyń el ekonomıkasyna qosqan úlesi óte zor. Menińshe, mundaı aldyńǵy qatarly kásiporyndar ári qaraı damı berýi jáne olardyń aınalasynda kishi jáne orta kásipkerlik jetilýi tıis», - dedi depýtat Meıram Pishembaev.
null

Májilis depýtaty Qojahan Jabaǵıevtiń Jambyl oblysyndaǵy sapary barysynda «Býrnoe sút kompanııasy» qyzmetkerlerimen kezdesti.

Kompanııa kúnine 49 tonna irimshik, sary maı jáne sút shyǵarady. Jalpy zaýytqa 8 aýyl sharýashylyq kooperatıvi, 50 sharýa qojalyǵy, 25 jeke kásipker sút ótkizedi. Búgingi tańda kompanııada 93 adam jumys isteıdi.null

Zaýyt jumysshylarymen áńgime barysynda depýtattar óndiris qýattylyǵy, salyq salý, sondaı-aq aýyl sharýashylyǵyn damytýǵa zańnamalyq qoldaý kórsetý máselelerin talqylady.

Májilis depýtattary, «Aq jol» fraktsııasynyń músheleri Erlan Barlybaev pen Berik Dúısenbınov Shyǵys Qazaqstan oblysyndaǵy sapar barysynda Semeı qalasynda ótken dóńgelek ústelde qatysyp, Prezıdenttiń bes áleýmettik bastamasynyń iske asyrylý barysyna toqtaldy.

- Bes bastamamyz eldiń ıgiligine jaraıtyndaı bolyp atqarýymyz kerek. Bul tek qana Elbasy men Májiliske ǵana baılanysty dúnıe emes, ol úshin quzyrly organdar, Ulttyq bank, basqa da memlekettik organdar qatysýy kerek. Al memlekettik organdarǵa halyqtyń talap-tilegin, úmitin jetkizetin - Májilis depýtattary, - dedi B. Dúısenbınov.

Kezdesýde depýtat Erlan Barlybaev Prezıdenttiń áleýmettik bastamasymen iske asyp jatqan jataqhanalar men qoljetimdi ıpotekalyq nesıelerdiń qurylysy Qazaqstandaǵy myńdaǵan adamdarǵa turǵyn úı máselesin sheshýge múmkindik beretinin atap ótti.

Сейчас читают