Májilis depýtattary «Nurly jer» jáne «Nurly jol» aıasynda salynyp jatqan nysandarda boldy

ASTANA. QazAqparat - Búginde demalysqa shyqqan Májilis depýtattary Sapar Ahmetov, Máýlen Áshimbaev, Jamıla Nurmanbetova jáne Irına Ýnjakova elordada ózderiniń saılaýshylarymen kezdesý ótkizýde, dep habarlaıdy QazAqparat.

Depýtattar ÚIIDB aıasynda qyzmet etip jatqan «GLB» qurylys kompanııasynyń ujymymen kezdesip, «Nurly jer» memlekettik baǵdarlamasy boıynsha salynyp jatqan «Altyn Shar» TK qurylys jumystarymen tanysty. Kezdesý barysynda májilismender saılaýshylarǵa Parlamenttiń ekinshi sessııasy boıynsha atqarylǵan jumystar jaıynda baıandap, «100 naqty qadam» Ult josparynyń oryndalý barysynan habardar etti.

GLB» kompanııasy jobasynyń negizgi maqsaty álemdik sapa standartyna saı qoljetimdi turǵyn úılerdi salý bolyp sanalady. Kásiporyn qyzmetkerleriniń atap ótýinshe, baspana salýǵa qajetti barlyq qurylys materıaldary Qazaqstanda shyǵarylady. Daıyn ónimder qurylys alańdaryna jetkizilip, qysqa ǵana ýaqyttyń ishinde baspana turǵyzylady. Al bul óz kezeginde memlekettik qyzmetshiler, bilim jáne densaýlyq salasynyń mamandary úshin baspana qunynyń tómen bolýyna septigin tıgizedi.

Aıta keterligi, Májilis depýtattary «Nurly jer» jáne «Nurly jol» memlekettik baǵdarlamasy aıasynda salynyp jatqan «Altyn Shar», «Altyn Shar-2», "Meıir-M" nysandarynda boldy.