Májilis depýtattary memlekettik rámizderdi qorlaǵany úshin aıyppul mólsherin ulǵaıtty
ASTANA. 24 mamyr. QazAqparat - Búgin Májilis spıkeri Nurlan Nyǵmatýlınniń jetekshiligimen ótken palatanyń jalpy otyrysynda depýtattar «Qazaqstan Respýblıkasynyń memlekettik rámizderi týraly»
Qazaqstan Respýblıkasynyń Konstıtýtsııalyq zańyna ózgerister men tolyqtyrýlar engizý týraly» zań jobasyn birinshi oqylymda maquldady.
Zań jobasy boıynsha Májilis depýtattary memlekettik rámizderdi daıyndaý jáne paıdalaný kezindegi buzýshylyqtar úshin jaýapkershilikti kúsheıtýge qatysty túzetýler engizdi.
«Budan bólek, memlekettik rámizderdi qorlaǵany úshin aıyppul mólsheri ulǵaıtyldy. Memlekettik rámizderdi sondaı-aq, olar belgilengen materıaldyq nysandardy daıyndaý kezinde ulttyq standarttardy buzǵany úshin ákimshilik jaýapkershilik belgilendi. Memlekettik rámizderdi paıdalaný tártibin buzǵany úshin jaýapkershilik qataıtyldy. Sport jáne dene shynyqtyrý jónindegi ýákiletti organnyń rólin arttyrý maqsatynda elimizdiń aýmaǵynda jáne shet elderde sporttyq is-sharalar ótkizý barysynda «Memlekettik rámizder týraly» zańnamany saqtaýdy qamtamasyz etý boıynsha quzyret bekitildi», - deıdi zań jobasy boıynsha baıandaǵan Ekonomıkalyq damý jáne saýda mınıstri Baqytjan Saǵyntaev.
Onyń aıtýynsha, zań jobasymen eki kodekske jáne eki zańǵa ózgerister men tolyqtyrýlar engiziletin bolady.
