Májilis depýtattary maınıng pen krıptovalıýta týraly alǵashqy zań jobasyn ázirledi
«Osy normatıvtik-quqyqtyq aktini ázirleý qajettigi eki sebepke baılanysty. Birinshi - QR aýmaǵynda tsıfrlyq maınıngti retteý qajettiligi. Tsıfrlyq maınıngti zańdastyrý jáne krıptovalıýta óndirýshilerdiń qyzmetin odan ári naqty retteýdiń bolmaýy energııa shyǵyny salasynyń baqylaýsyz damýyna ákeldi. Qoldanystaǵy zańnamaǵa sáıkes, tsıfrlyq maınıng salasyndaǵy qyzmettiń bastalǵany týraly habarlaý tártibi erikti bolyp sanalady jáne Tsıfrlyq damý mınıstriniń buıryǵymen retteledi. Búgingi tańda memlekettik organnyń tizilimine maınıngtik kompanııalardyń úshten bir bóligi ǵana óz erkimen tirkelgen», – dedi E.Smyshlıaeva zań jobasyn tanystyra kele.
Depýtat «sur» maınerlerdiń elektr energııasyn baqylaýsyz paıdalanýy onyń tapshylyǵyn týdyrǵanyn jáne qazirgi ýaqytta eldiń energetıkalyq qaýipsizdigine qater tóndiretinin atap ótti.
Sonymen qatar, E.Smyshlıaevanyń aıtýynsha, krıptovalıýtany zańdy óndirý ındýstrııasy Qazaqstan úshin aýqymdy ınvestıtsııalyq sala bolyp sanalady jáne qosymsha salyq túsimderin qamtamasyz etip, otandyq IT salasynyń damýyna yqpal jasaıdy.
«Ekinshi - QR aýmaǵynda krıptovalıýtalyq ekojúıe qurý. Qoldanystaǵy zańnamaǵa sáıkes, Qazaqstanda qamtamasyz etilmegen sandyq aktıvterdiń, ıaǵnı krıptovalıýtalardyń aınalymyna tyıym salynǵan. Maınıng pen ilki joba aıasyndaǵy krıptobırja jumysyn qosa alǵanda krıptovalıýtalarmen barlyq operatsııalar tek Halyqaralyq qarjy ortalyǵynda júzege asyrylady. Alaıda, tipti bul qyzmet «Astana» halyqaralyq qarjy ortalyǵy týraly Konstıtýtsııalyq zań normalarymen de rettelmegen», - dedi depýtat.
