Májilis depýtattary Maqtaaraldaǵy sý basqan aýyldardy aralady

MAQTAARAL. QazAqparat - Májilis depýtattary Qaınar Abasov, Berik Bekjanov, Syrym Ertaev jáne Ǵanı Tashqaraev Túrkistan oblysyndaǵy sý alǵan eldi mekenderge bardy, dep habarlaıdy QazAqparat.

Atap aıtqanda, Maqtaaral aýdanynda nóser jaýynnyń saldarynan aýdannyń 16 eldi mekeninde sý deńgeıi kóterilgen.

«Qazgıdromet» málimetinshe, 11-18 naýryz aralyǵynda jaýyn-shashynnyń mólsheri 87,7 mm boldy, al ortasha aılyq norma - 51 mm.

Osynyń saldarynan Syrdarııa ózeniniń, jer asty sý deńgeıi kóterilgen.

Túrkistan oblysy tótenshe jaǵdaılar departamenti basshysynyń aıtýynsha, Syrdarııa ózeniniń deńgeıi sońǵy aptada úsh eseden asqan.

Shardara sý qoımasynda 5 mlrd. m3 sý jınalyp, Syrdarııa ózeniniń arnasymen Qyzylorda oblysynyń jáne «Kóksaraı» kontrregýlıatoryna sý aǵyzylýda.

Tótenshe jaǵdaılar men jergilikti atqarýshy organdar ókilderiniń birlesken áreketiniń nátıjesinde sý tasqynynyń saldaryn aldyn aldy.

Depýtattar sapar barysynda drenajdyq kollektordyń, sý tasqynynyń zardaptaryn joıý jumystarymen tanystyp, apat saldaryn joıý jónindegi aýdandyq shtabtyń jumysyna qatysyp, olardyń usynys-pikirlerin tyńdady.

Qaınar Abasovtyń aıtýynsha, óńirde kóterilgen negizgi máseleler – tik drenajdardyń tapshylyǵy jáne jer asty sýlaryn aǵyzýǵa arnalǵan kóldeneń drenajdardyń nashar jaǵdaıyna baılanysty jer asty sýlarynyń joǵary deńgeıi.

Sondaı-aq, «Qazvodhoz» fılıalynda tik drenajdardy kútip ustaýǵa jáne jóndeýge qarajattyń joqtyǵy. Mekemeniń elektr qýatynyń qarjysyn tóleýge múmkindikteri joq.

Sý tasqynynan bolǵan zalaldy joıý jumystary jergilikti bıýdjet esebinen qarjylandyryp, kommertsııalyq kásipkerlik nysandaryn qalpyna keltirýge qarjy qarastyrylmaǵan.

Óz kezeginde, depýtattar atalǵan máselelerdi erekshe baqylaýǵa alyp, Parlamentte talqylaıtyndaryn aıtty.