Májilis depýtattary Qazalyǵa keldi
QAZALY. QazAqparat - Qyzylorda oblysy Qazaly aýdanyna Qazaqstan Respýblıkasy Parlamenti Májilisiniń depýtattary Baqytbek Smaǵul, Abzal Eralıev, Gennadıı Shıpovskıh jumys saparymen keldi, dep habarlaıdy QazAqparat tilshisi.
Halyq qalaýlylary aldymen «Syr marjany» JShS-nyń mal bordaqylaý alańyna at basyn tirep, atqarylyp jatqan aýqymdy jumystardyń barysymen tanysty.
Bastapqyda 500 basqa arnap salynyp, qazirgi tańda bir mezgilde 3000 basqa deıin mal bordaqylaýǵa qabiletti bul nysanǵa depýtattar joǵary baǵa berdi.
Kezdesý barysynda Syr Marjany JShS dırektory, oblystyq máslıhat depýtaty Minajadın Óteev jobany tanystyra otyryp, bolashaqtaǵy josparlarymen bólisti.
Odan soń Qazaly qalasynda júrgizilgen jańartylý jumystaryn kórip, ardagerlermen kezdesti.
Qazaly aýdanyna sapary kezinde Parlament Májilisiniń depýtattary aýdannyń áleýmettik-ekonomıkalyq mańyzǵa ıe birneshe nysandarynyń jumysymen tanysty.
