Májilis depýtattary Qazaqstan halqyna ant berdi
ASTANA. QazAqparat - Parlamenttiń VI shaqyrylymynyń birinshi sessııasynyń ashylýyna arnalǵan QR Parlamenti palatalarynyń birlesken otyrysynda jańa quramdaǵy Májilis depýtattary Qazaqstan halqyna ant berdi.
Antty 6-shy shaqyrylǵan Qazaqstan Respýblıkasy Parlamenti Májilisiniń «Nur Otan» partııasynyń partııalyq tizimi boıynsha - 84 depýtaty, Qazaqstannyń «Aq jol» Demokratııalyq partııasynyń partııalyq tizimi boıynsha - 7 depýtaty, Qazaqstan Kommýnıstik Halyq partııasynyń partııalyq tizimi boıynsha - 7 depýtaty jáne, Qazaqstan halqy Assambleıasy saılaǵan 9 depýtaty berdi. "Qazaqstan halqyna adal qyzmet etip, Qazaqstan Respýblıkasy tutastyǵy men táýelsizdigin nyǵaıtýǵa, onyń Konstıtýtsııasy men zańdaryn qatań ustanýǵa, maǵan júktelip otyrǵan depýtat qyzmetin adal atqarýǵa ant etemin", - dedi eń birinshi bolyp ant bergen Májilis depýtaty Saýytbek Abdrahmanov.
Antty QR Prezıdenti Nursultan Nazarbaev qabyldady.
