Májilis depýtattary Qazaqstan halqy assambleıasynyń aımaqtaǵy ókilderimen kezdesti

dep habarlaıdy QazAqparat.

Kezdesý barysynda depýtattar jınalǵandardy Qazaqstan halqy assambleıasynyń atqaryp jatqan jumystarymen tanystyryp, olardyń assambleıa qyzmetine qatysty saýaldaryna jaýap berdi. Sondaı-aq taraptar aımaqtaǵy qalyptasqan máseleler jóninde de ózara pikir almasty.

Onda assambleıa qyzmetine qatysty sóılegen Májilis depýtaty Sergeı Dıachenkonyń aıtýynsha, Parlament Májilisi depýtattarynyń saılaýynan keıingi kezeń Parlamenttiń tómengi palatasyna assambleıa atynan depýtattardyń saılanǵandyǵy durys ekendigin kórsetti. «Menińshe, bul tek Qazaqstanda ǵana júzege asyrylyp otyrǵan júıe jáne biz ony júzege asyra aldyq. Biz Májilisten arnaıy depýtattyq top qurdyq. Onyń quramynda 16 adam bar. Bul tıimdi jumys isteý

úshin jetkilikti mólsher jáne bizdiń toptyń depýtattary Parlamentte qabyldanatyn qujattardyń barlyǵyna atsalysady. Óıtkeni ol bizdiń basty jumysymyz. Biz «Qazaqstan halqy assambleıasy týraly» zań qabyldadyq. Bul óte qajetti ári zaman talabyna saı daıyndalǵan qujat» dedi depýtat.

Sondaı-aq onyń  aıtýynsha, depýtattyq top ókilderi saılaýshylarmen kezdesý, respýblıka halqynan túsken usynystar negizinde depýtattyq saýal joldaý baǵytynda qyrýar sharalar atqardy. Osy ýaqytqa deıin depýtattyq top ókilderi tarapynan Premer-Mınıstr men ózge de organdardyń atyna 72 saýal joldanǵan. Al saılaýshylarmen kezdesý sharalaryna 20 myń adam qamtylǵan. «Bul kezdesýler jaı ǵana qaǵaz júzindegi shara emes, onda naqty ister men keleli máseleler qozǵaldy. Olardyń birqatary depýtattardyń besendiliginiń arqasynda sheshildi de» dedi ol.