Májilis depýtattary «Qaıyrymdylyq kerýeni» jalpyulttyq aktsııasyna qatysýshylarmen kezdesti
ASTANA. QazAqparat - Búgin Májiliste Qazaqstan halqy Assambleıasynyń depýtattary «Qaıyrymdylyq kerýeni» jalpyulttyq aktsııasynyń qatysýshylarymen kezdesti. Elimizdiń óńirlerinen kelgen delegatsııa quramynda qaıyrymdyq qor basshylary, Ulttyq kásipkerler palatasynyń ókilderi, bıznes-qurylym, ǵylym jáne shyǵarmashylyq orta men zııaly qaýym ókilderi boldy.
Qonaqtardy Májilis spıkeriniń orynbasary Abaı Tasbolatov bastaǵan depýtattar qarsy alyp, júzdesý barysynda qaıyrymdylyq sharalaryna qatysty birqatar máseleler týraly áńgime órbidi. Aıta keterligi, halyq qalaýlylary da elimizdegi túrli qaıyrymdylyq aktsııalardyń qatysýshylary, iri sharalardyń demeýshileri, metsenattar bolyp tabylady.
Máselen, QHA-dan saılanǵan depýtat ıÝrıı Tımoşenko «SOS Astana balalar aýyly» balalar úıiniń tárbıelenýshilerine qoldaý jasap keledi. Al onyń áriptesi depýtat Egor Kappel erikti qaıyrymdylyq jarnalaryn jınaqtap, Uly Otan soǵysynyń ardagerleriniń páterlerine jóndeý jumystaryn júrgizip bergen bolatyn.
Júzdesý barysynda depýtat Nıkolaı Kýzmın zań shyǵarmashylyǵy jumysymen tanystyryp, jaqynda qabyldanǵan «Qaıyrymdylyq týraly» zańynda qamtylǵan jańalyqtar týraly aıtyp berdi. Kezdesý aıasynda eńbek dınastııalaryna arnalǵan «Jańa oılar tabysqa jeteleıdi» jáne eń úzdiń ınnovatsııalyq jobalar týraly «Armandaǵan mamandyq» atty respýblıkalyq konkýrsynyń jeńimpazdaryn marapattaý saltanaty bolyp ótti.
Eske sala keteıik, aǵymdaǵy jyldyń 20 - 27 qarasha aralyǵynda elimizdiń barlyq óńirinde, Almaty jáne Astana qalalarynda Qazaqstan halqy Assambleıasynyń Tuńǵysh Prezıdent kúnine arnalǵan «Qaıyrymdylyq kerýeni» jalpyulttyq aktsııasy ótýde. Aktsııanyń maqsaty - qoǵamdyq kelisim men jalpyulttyq birliktiń basty faktory retinde qoǵamda meıirimdilikti, gýmanızm men ózara rııasyz kómek jasaýdy ornyqtyrý, qazaqstandyqtardyń, solardyń ishinde balalardyń, múmkindigi shekteýli adamdardyń ómir jaǵdaılary men densaýlyǵyna qamqorlyqty kúsheıtý. Shara aıasynda erteń, 27-qarashada Beıbitshilik jáne kelisim saraıynda qaıyrymdylyq uıymdarynyń, metsenattar men donorlardyń «Qaıyrymdylyq kerýeni» respýblıkalyq seziniń ashylý saltanaty ótpek. Onda Qazaqstan halqy Assambleıasynyń qaıyrymdylyq jobalarynyń «Іzgilikti ister kórmesi» atty kórme, sondaı-aq sýretshiler men qolóneshiler usynǵan sándik-qoldanbaly jáne beıneleý óneri buıymdarynyń kórme-satylymy ótkiziledi. Osy aktsııadan túsken jáne qaıyrmaldyqtan jınalǵan aqsha qarajattarynyń barlyǵy shuǵyl medıtsınalyq kómek kórsetýge muqtaj balalardyń otbasylaryna beriledi.
