Májilis depýtattary Qaraǵandy oblysynyń turǵyndarymen kezdesti
ASTANA. QazAqparat-Qaraǵandy oblysynda Májilis depýtattary Gúlnar Bıjanova men Serik Sápıev aımaqtarǵa sapary barysynda halyqpen kezdesý ótkizdi. Bul týraly Májilistiń baspasóz qyzmeti habarlaıdy.
Depýtattar Buqar-Jyraý aýdanyndaǵy Qýshoqy aýylyna baryp, «Botaqara Jylý» eńbek ujymymen kezdesti. Búgingi tańda kásiporynda sýmen, jylýmen jabdyqtaý jáne sýdy burý jelileri júzege asyrylýda. Ortalyq jylytýǵa 316 úı qosylsa, onyń ishinde 16 kópqabatty turǵyn úı, 5 bıýdjettik uıym men jeke menshik kásiporyndar da bar.
Kezdesýdiń basty taqyryby Memleket basshysynyń bes áleýmettik bastamasy týraly boldy. Turǵylyqty halyqpen kezdesý barysynda Májilis depýtattary áleýmettik jańalyqtardy engizýdiń negizgi tetikterin, onyń ishinde, úshinshi sessııa barysynda qabyldanǵan zańnamalyq normalar týraly aıtty.
120-ǵa jýyq adam jumys isteıtin kásiporynda ótken kezdesýde ózekti máseleler kóterildi. Qatysýshylar depýtattarǵa Qýshoqy aýylyna gaz qubyryn tartý men «7-20-25» baǵdarlamasy boıynsha turǵyn úı alýdyń tetikterin jáne basqa da kókeıtesti suraqtar qoıyp, Prezıdenttiń áleýmettik bastamalarynyń mańyzdylyǵyn atap ótti.
Jınalǵandar aýdan úshin ózekti máselelerge de nazar aýdardy. Atap aıtqanda, 60 jyldardyń basynda salynǵan jergilikti sý jelilerin qalpyna keltirý men jedel járdem bólimshesiniń jabylýy sııaqty problemalardy kóterip, óz kezeginde Májilis depýtattary bul máselelerdi derbes baqylaýlaryna aldy.
