Májilis depýtattary kanıkýlǵa keshirek shyǵýy múmkin
NUR-SULTAN. QazAqparat - Parlament Májilisiniń depýtattary kanıkýlǵa keshirek shyǵýy múmkin. ıAǵnı dástúrli túrde maýsym aıynyń sońynda emes - 10 shildede. Bul týraly depýtat Vasılıı Oleınık málim etti, dep habarlaıdy QazAqparat tilshisi.
«Biz sessııany 10 shildege deıin uzartyp, jumysty jalǵastyrmaqpyz. Osy oraıda, talqylaýdan ótkizýdi qajet etetin zań jobalary bar jáne olardy maquldaý kerek. Mysaly, memlekettik qyzmetter týraly zań jobasy eskerilip otyr. Bul qujat azamattarymyz úshin qajet. Memqyzmetterdi der kezinde alý úshin tıisti jeńildikti sharalar engizilmek. Sonymen qatar, bizdiń depýtattardyń ózge de bastamashylyq etken zań jobalary bar», - dep túsindirdi Oleınık Parlament Májilisiniń jalpy otyrysynan keıin tilshiler saýalyna jaýap bere otyryp.
Depýtat aldaǵy ýaqytta atqaratyn jumystar aýqymy kólemdi ekenin aıta kele, 10 shildeden keıin depýtattardyń saılaýshylarmen kezdesýi úshin óńirlerge saparlary josparlanǵanyn atap ótti.
