Májilis depýtattary el óńirlerine attandy

ASTANA. Qarashanyń 23-i. QazAqparat /Aıdyn Báımen/ - Búgin Májilis depýtattary elimizdiń óńirlerine attandy,

 dep habarlaıdy QazAqparat.

Halyq qalaýlylary qarashanyń 23-i men jeltoqsannyń 2-si aralyǵynda Qazaqstannyń barlyq oblystary men aýdandarynda bolyp, kezdesýler ótkizedi. Depýtattar Memleket basshysynyń bıylǵy Qazaqstan halqyna arnaǵan Joldaýynda bergen tapsyrmalarynyń oryndalýy, «Nur Otan» partııasy baǵdarlamalarynyń júzege asýy jóninde el ishinde túsinik beredi.

Sonymen qatar depýtattar Parlamenttiń tórtinshi shaqyrylymynyń úshinshi sessııasy barysynda talqyǵa salynǵan zań jobalary men qabyldanǵan zańdar týraly, elimizdiń  ekonomıkalyq-áleýmettik jaǵdaıy jaıly maǵlumat beredi dep kútilip otyr. Sondaı-aq «Nur Otan» HDP-nyń jergilikti fılıaldarynyń qabyldaý bólmesinde azamattardy ótinishteri boıynsha qabyldaıtyny kózdelgen.