Májilis depýtattary D. Nóketaevanyń ókilettigin merziminen buryn toqtatý týraly qaýly qabyldady
ANA. 28 qyrkúıek. QazAqparat /Aıdar Ospanalıev/ - Búgin Parlament Májilisiniń jalpy otyrysynda halyq qalaýlylary Májilis depýtaty Dınar Nóketaevanyń ókilettigin merziminen buryn toqtatý týraly qaýly qabyldady.
Otyrysta osy másele boıynsha baıandaǵan OSK múshesi Lázzat Súleımenova: «Ortalyq saılaý komıssııasy Konstıtýtsııanyń 52-babyna, «Parlament jáne onyń depýtattarynyń mártebesi týraly konstıtýtsııalyq zańynyń 24-babynyń 2-shi, 3-shi, 8-shi tarmaqtaryna sáıkes, sonymen qatar Bilim jáne ǵylym mınıstrliginiń Qazaq memlekettik qyzdar pedagogıkalyq ýnıversıteti respýblıkalyq memlekettik qazynalyq kásipornynyń rektory laýazymyna taǵaıyndalýyna baılanysty Májilis depýtaty D. Nóketavanyń ókilettigin merziminen buryn toqtatý týraly máseleni sheshý úshin usynym engizedi»,-dep atap kórsetti.
