Májilis depýtattary bilikti zań kómegin qamtamasyz etýge qatysty zań jobasyna Senat engizgen túzetýlerdi talqyǵa salmaq
ASTANA. Qarashanyń 10-y. QazAqparat. /Aıdyn Báımen/ - Senat bilikti zań kómegin qamtamasyz etýge qatysty zań jobasyna barlyǵy 27 túzetý engizgen. Alaıda, onyń basym bóligi jýyrda qabyldanǵan zańdarǵa baılanysty jarııalanym kózderin naqtylaýǵa baılanysty bolyp otyr.
Májilistiń Zańnama jáne sot-quqyqtyq reforma komıteti elimizdiń keıbir zańnamalyq aktilerine bilikti zań kómegin qamtamasyz etý máseleleri boıynsha túzetýler engizýdi qarastyratyn zań jobasyna Senat engizgen ózgerister boıynsha osyndaı túsinik berdi, dep habarlaıdy QazAqparat.
Senat kúdiktiniń, aıyptalýshynyń, qorǵaýshynyń, jábirlenýshiniń qaýipsizdik sharalaryn qoldaný týraly ótinish berý quqyǵyn tolyqtyrǵan. Soǵan baılanysty elimizdiń Qylmystyq is júrgizý kodeksiniń 68, 69, 74 jáne 75-baptaryna tolyqtyrýlar engiziledi. Senat basqa da túzetýler engizgen. Birqatar ózgerister zań jobasyn jetildirýge baǵyttalǵan.
Aıta ketý kerek, bul zań jobasy azamattardyń bilikti zań kómegin alýǵa quqyǵy jarııa etilgen Qazaqstan Konstıtýtsııasynyń 13-babyn iske asyrýǵa baǵyttalǵan jáne atalǵan zańnamany jetildirý maqsatyn kózdeıdi.
Endi atalǵan zań jobasyna Senat engizgen túzetýler qarashanyń 11-i kúni Palatanyń jalpy otyrysynda talqyǵa túsedi. Májilistiń Zańnama jáne sot-quqyqtyq reforma komıteti Senat engizgen ózgeristermen kelisýge bolatynyn málimdegen.
