Májilis depýtattary barlyq saıası partııalardy adal jáne ashyq kúreske, jańa saılaýǵa úndeıdi
ASTANA. QazAqparat - Májilis depýtattary barlyq saıası partııalardy adal jáne ashyq kúreske, jańa saılaýǵa úndeıdi. QR Parlamenti Májilisiniń depýtattarynyń Parlament Májilisi men barlyq deńgeıdegi máslıhat deptýattarynyń kezekten tys saılaýyn ótkizý týraly úndeýi mátinin jarııa etken depýtat Nurlan Ábdirov osylaı dedi.
«Qazirgi tarıhı sáttiń barsha jaýapkershiligin, maqsattar men mindetteriniń ortaqtylyǵyn eskere otyryp, bul úndeýdi Parlamenttegi úsh partııanyń depýtattary qabyldaıdy. Biz parlamenttik alamanǵa qatysýǵa jáne memlekettik strategııa men saıasatty júzege asyrý jaýapkershiliginiń bir bóligin ózine alýǵa daıyn ekendikterin san ret málim etken barlyq saıası partııalardy adal jáne ashyq kúreske, jańa saılaýǵa úndeımiz.
Sonymen qatar, biz elimizdiń barlyq qoǵamdyq birlestikteri men úkimettik emes uıymdaryn, barsha azamattardy bastamamyzdy qoldaýǵa shaqyramyz. Biz el damýynyń jańa jáne jaýapty kezeńine aıaq bastyq jáne onda birligimiz ben tutastyǵymyzdy nyǵaıta túsý arqyly óz jetistikterimizdi qorǵap, Otanymyzdy damýdyń jańa belesterine shyǵara alamyz. Bizdiń Qazaqstanymyz - bizdiń ortaq úıimiz. Bizdiń otanymyz - bir, taǵdyrymyz - bir», - delingen N.Ábdirov jarııa etken úndeýde.
