Májilis depýtattary aımaqtarǵa shyǵady
ASTANA. 4 sáýir. QazAqparat - Búgin QR Parlamenti Májilisiniń Tóraǵasy Nurlan Nyǵmatýlınniń jetekshiligimen Palata Bıýrosynyń otyrysy ótti.
Onda Palata depýtattarynyń sáýir aıynyń 5-i men 14-i aralyǵynda elimizdiń barlyq óńirlerine issaparmen shyǵatyny týraly sheshim qabyldandy.
Parlamentshiler aldynda eki mindet tur. Birinshisi - Qazaqstan Respýblıkasynyń Prezıdenti - Elbasy Nursultan Nazarbaevtyń «Áleýmettik-ekonomıkalyq jańǵyrtý - Qazaqstan damýynyń basty baǵyty» atty Qazaqstan halqyna arnaǵan Joldaýyn túsindirý.
Sonymen qatar Májilis depýtattary saılaýshylarǵa besinshi parlamenttik shaqyrylym bastalǵan sátten bergi ózderiniń zań shyǵarýshylyq qyzmetteri týraly aıtyp beredi.
Saılaýshylarmen júzdesý tek oblys ortalyqtarynda ǵana emes, shaǵyn qalalarda, aýdandarda, aýyldar men alys eldi mekenderde de ótkiziledi.
Óńirlerden oralǵan soń, azamattardyń ótinish-tilekterin, usynystary men eskertpelerin nazarǵa ala otyryp, Májilis qabyrǵasynda parlamentshilerdiń zań shyǵarýshylyq qyzmeti qaıtadan jalǵasyn tabady.
Besinshi parlamenttik shaqyrylymdaǵy depýtattyq korpýstyń quramynda «Nur Otan» HDP, sondaı-aq «Aq Jol» QDP, Qazaqstannyń Kommýnıstik halyq partııasy jáne Qazaqstan halqy Assambleıasynyń músheleri bar.
