Májilis depýtattary aımaqtardy aralap júr
ASTANA. QazAqparat - Májilis depýtattary óńirlerge attanyp, halyqpen jáne eńbek ujymdarymen kezdesip jatyr, dep habarlaıdy QazAqparat Májilistiń baspasóz qyzmetine silteme jasap. Alǵashqy kezdesýler Qaraǵandy, Batys Qazaqstan, Qyzylorda oblystarynda, sondaı-aq Astana men Shymkent qalalarynda ótti.
Parlament depýtattary halyqty Memleket basshysynyń negizgi baǵdarlamalyq qujattary men bastamalaryn iske asyrý úshin qabyldanǵan zańnamalyq jańalyqtar týraly habardar etti. Sonymen birge, úshinshi sessııanyń zańnamalyq qyzmetiniń nátıjeleri týraly áńgimeledi. Búgingi tańda qaralǵan 129 zań jobasynyń 84-i qabyldanǵan. Kezdesýde Prezıdenttiń bes áleýmettik bastamasyn iske asyrý tetikteri erekshe sóz boldy.
Aıtalyq, Májilis depýtattary Gúlnar Bıjanova men Serik Sápıevtiń Qaraǵandy oblysy Buqar jyraý aýdany Qýshoqy aýylyndaǵy «Botaqara jylý» eńbek ujymymen kezdesti. «7-20-25» baǵdarlamasy boıynsha turǵyn úı alýdyń tetikteri jaıly málimet berdi.
Kezdesý barysynda aýdan úshin ózekti máselelerge de nazar aýdaryldy. Atap aıtqanda, 60 jyldardyń basynda salynǵan jergilikti sý jelilerin qalpyna keltirý men jedel járdem bólimshesiniń jabylýy sııaqty problemalar kóterilip, óz kezeginde Májilis depýtattary bul máselelerdi derbes baqylaýǵa aldy.
Al Májilis depýtattary Pavel Kazantsev, Baqytjan Ertaev jáne Janat Omarbekova men ıÝrıı Tımoşenko Astana qalasyndaǵy «Evrokopter Kazahstan Injınırıng» ujymymen kezdesip, ınnovatsııalyq áleýet, sondaı-aq zaýyt tikushaqtaryn qoldanatyn týrızm ındýstrııasyn damytý jaıyn talqylady. Depýtattardyń pikirinshe, bul úshin qajetti zańnamalyq normalarǵa nazar aýdarý kerek, sondyqtan aldaǵy sessııada tıisti zań jobasy Məjilistegi jumys toptarynda talqylanady.
Sapar barysynda Májilis depýtattary Elbasynyń negizgi tapsyrmalarynyń jer-jerlerde qalaı iske asyrylyp jatqanyna da nazar aýdarýda.
Oral qalasyndaǵy mamandandyrylǵan halyqqa qyzmet kórsetý ortalyǵyna barǵan depýtattar Snejanna Imasheva, Evgenıı Kozlov, Gleb Şegelskıı jáne Sergeı Sımonov Batys Qazaqstan oblysynyń tsıfrlandyrý máselelerine nazar aýdardy.
Al, Abzal Eralıev, Baqytbek Smaǵul jáne Gennadıı Shıpovskıh sekildi halyq qalaýlylary Qyzylorda oblysyna jasaǵan sapary aıasynda Jańaqorǵan aýdanyndaǵy SKZ-U kúkirt qyshqyly zaýytynyń qyzmetkerlerimen kezdesti. Munda qorshaǵan ortaǵa zııan keltirmeıtin aldyńǵy qatarly ekologııalyq qaýipsiz tehnologııa men energııany únemdeý ádisteri keńinen qoldanylýda.
Zaýyt jumysynyń nátıjelerimen tanysqan Májilis depýtattary kásiporynnyń el ekonomıkasyn damytýǵa qosqan eleýli úlesin atap ótti. Sondaı-aq, Parlament depýtattary óndirilgen ónimniń halyq sharýashylyǵynda keńinen qoldanylatynyna senim bildirdi.
