Májilis depýtattary aımaqtarda tsıfrlandyrý máselesin talqylady

ASTANA. QazAqparat - Májilis depýtattarynyń óńirlerge sapary barysynda qazaqstandyqtar úshin ózekti bolyp tabylatyn aýqymdy máselelerge nazar aýdarýda. Bul týraly QazAqparat Májilistiń baspasóz qyzmetine silteme jasap habarlaıdy.

Atap aıtqanda, Májilis depýtattary, «Nur Otan» HDP fraktsııasynyń músheleri Abaı Tasbolatov pen Olga Shıshıgına Almatydaǵy Oqýshylar saraıynda partııalyq jobanyń sheńberinde uıymdastyrylǵan IT-klassqa bardy.

Munda 30 bala eki aıdan beri robototehnıka, 3D modeldeý jáne dızaın boıynsha daıyndyqtan ótýde.

Balalardyń oqý barysynda úırengen baǵdarlamalaý jobalary modelderdi óz betinshe jınaýǵa múmkindik beredi.

Osy rette, Májilis depýtaty A. Tasbolatov balalardyń damyǵan baǵdarlamalarǵa shynymen yntaly ekendigine óte qýanyshty ekenin jetkizip, elimizdegi 1000 sabaq, ıaǵnı, jarty mıllıonǵa jýyq jas jańa baǵyttar boıynsha bilim alýda, bul bolashaqta talap etiletin mamandyqtar boıynsha joǵary sapaly mamandardy ala alamyz degen sóz,- dedi.

Oqýshylar saraıynda 12-17 jas aralyǵyndaǵy oqýshylar ózderiniń kásipkerlik jáne shyǵarmashylyq oılaý daǵdylaryn damytýda.

Munda balalardyń qarjylyq saýattylyqtyń negizderin úırenýge, kóshbasshylyq qasıetterdi anyqtaýǵa, sondaı-aq ıdeıalardy is júzinde iske asyrý tájirıbesine ıe bolýǵa kómektesedi.

Májilis depýtaty, «Aq jol» fraktsııasynyń múshesi Danııa Espaeva Aqtóbe oblysyndaǵy sapary barysynda  «Eko Ekspress Aktobe» JShS-niń ujymymen kezdesti.

Bul kópsalaly óndiristik kásiporyn 2009 jyldan beri jumys istep keledi jáne munaı-gaz ónerkásibindegi óndiristik nysandardy jobalaýdan bastap tehnıkalyq qaıta jabdyqtaýǵa deıingi jumystardyń tolyq spektrin oryndaıdy.

Kezdesý barysynda Danııa Espaeva Prezıdenttiń bes áleýmettik bastamasyn, Májilistiń jumysy men «Aq jol» fraktsııasynyń qyzmetin iske asyrý tetikteri týraly áńgimeledi.

«Aq jol» fraktsııasy 2017 jyldyń qyrkúıek aıynan bastap aǵymdaǵy jyldyń maýsymyna deıin úshinshi sessııasy aralyǵynda, 65 depýtattyq saýal jarııalanyp, qaralǵan zań jobalaryna shamamen 1000-ǵa jýyq túzetýler jiberildi, - dedi D. Espabeva. Sondaı-aq, depýtat jergilikti jer qoınaýyn paıdalaný týraly turǵyndar tarapynan jergilikti jer qoınaýyn paıdalanýshylardyń mindettemelerin oryndaýyna baǵyttalǵan otandyq óndirýshilerdi qoldaý týraly zań jobasyna birqatar ózgertýler engizilgenin de aıtty.