Májilis depýtattary Atyraýdaǵy eldi mekender máselesin nazarǵa aldy

ATYRAÝ. QazAqparat - Májilis depýtattary Nurlybek Ojaev, Dúısenbaı Turǵanov jáne Sálimjan Naqpaev Atyraý oblysyna sapar barysynda «Hımık-Atyraý» baý-baqsha qoǵamy eldi mekeniniń turǵyndarymen kezdesti, dep habarlaıdy QazAqparat tómengi palatanyń baspasóz qyzmetine silteme jasap.

Depýtattar jergilikti halyqpen áleýmettik ahýaldy ońaltýǵa qatysty qordalanǵan problemalardy talqylady.

Turǵyndardyń basty máselesi – áleýmettik qoldaý túrleri. ıAǵnı, eń aldymen, eldi mekenge naqty mártebe berý. Joǵary kerneýli jeli júrgizý, kóshe jaryǵyn qondyrý. Sondaı-aq, balalar úshin oıyn alańdaryn salý.

Naqty ahýalmen tanysqan Májilis depýtattary atalǵan problemalardy nazarǵa alyp, sheshý joldaryn qarastyratyndaryn aıtty. Kezdesýde Májilis depýtaty Dúısenbaı Turǵanov atalǵan máselelerge naqty kim jaýapty ekenin anyqtap, jumystyń aıaqtalar merzimin, qandaı nátıjege jetetinin belgili bolatyndaı júıeli jumys jasaý kerektigin aıtty.

Jalpy, Atyraý qalasyna qarasty baý-baqsha qoǵamdaryna baılanysty aqparatqa saı, oblys ortalyǵynda jalpy kólemi 875 ga, 8085 jer ýchaskesin quraıtyn 45 baý-baqsha qoǵamdary bar. Onyń ishinde 32 baý-baqsha qoǵamynda sýarý júıesi bar. 4426 ýchaske 524 ga jer ıgerilgen. Turǵyn úıler sany – 3497, saıajaılar – 929. Igerilmegeni – 348 ga, ıaǵnı, 3659 ýchaske.

Aǵymdaǵy jyly múmkindigine qaraı demeýshilikpen 15 baǵbandyq qoǵamǵa buryn paıdalanylǵan elektr transformatorlaryn, paıdalanylǵan sorǵylardy aýystyrý, gaz qubyryndaǵy gaz qysymyn arttyrý túrinde kómek kórsetildi. Aldaǵy ýaqytta josparly túrde baý-baqsha qoǵamdaryna kómek kórsetý qarastyrylýda.

Al, májilis depýtattary arnaı barǵan «Hımık» baý-baqsha qoǵamynyń kólemi – 64 ga, 597 ýchaske. Bunyń ishinde ıgerilgeni – 540 ýchaske (450 turǵyn úı, 90 saıajaı). Igerilmegeni – 57 ýchaske (4,5 ga). Byltyr atalǵan eldi mekendi qoldaý baǵytynda kómek túrleri kórsetilgen. ıAǵnı, demeýshiler esebinen uzyndyǵy 30 m Ø 315 sýarý qubyry berildi.