Májilis depýtattary Astanadaǵy órtten qaıtys bolǵandardy únsizdikpen eske aldy
ASTANA. Qarashanyń 11-i. QazAqparat /Qanat Mámetqazyuly/ - Búgin Parlament Májilisiniń jalpy otyrysynda palata depýtattary Astana qalasyndaǵy órtten qaıtys bolǵandardy únsizdikpen eske aldy,
dep habarlaıdy QazAqparat.
«Qarashanyń 9-ynda Astana qalasynyń ońtústik-shyǵysyndaǵy ornalasqan qoımada bolǵan órtten 14 adam kóz jumdy. Órt 10 myń sharshy metrdi qamtydy. Bul elordada bolǵan úlken apat. Osyǵan oraı Memleket basshysy qaıtys bolǵandardyń otbasyna jedelhat joldap, kóńil aıtty. Elbasy tapsyrmasy boıynsha Úkimet marqumdardyń otbasyna kómek kórsetý jáne zardap shekkenderge qoldaý jasaý jónindegi is-sharalardy qolǵa alyp otyr», dedi O. Muhamedjanov. Osyǵan baılanysty palata óz jumysyn órtten qaza bolǵan azamattardy bir sát eske alýdan bastady.
