Májilis depýtattary Almatydaǵy ónerkásiptik parkter jumysymen tanysty
QR Parlamenti Májilisiniń depýtattary – «Nur Otan» partııasy fraktsııasynyń músheleri Bekqalı Torǵaev, Aıdos Sarym jáne Artýr Platonov «Nur Otan» partııasynyń «Ózgerister joly: Ár adamǵa laıyqty ómir!» saılaýaldy baǵdarlamasynyń Almaty qalasynyń Naýryzbaı aýdanyndaǵy «Ala Estate» shaǵyn ónerkásiptik saıabaǵyna bardy.
Jumys istep turǵan ónerkásiptik bazalar negizinde ónerkásiptik parkter qurý jáne jańa óndiristik úı-jaılar salý Almaty qalasy boıynsha jol kartasyna engizilgen. 300-ge jýyq jobany júzege asyrý almatylyqtarǵa 25 myńnan astam jumys ornyn ashýǵa múmkindik beredi. Bul maqsatta barlyǵy 18,2 mlrd teńge bólindi.
Májilismen Artýr Platonov megapolıste shaǵyn jáne orta bıznesti qoldaýǵa baǵyttalǵan is-sharalardy joǵary baǵalady.
Mysaly, aǵymdaǵy jyly josparlanǵan 5 ónerkásiptik parktiń 4-i jumysqa kiristi, olar Naýryzbaı, Túrksib jáne Alataý aýdandarynda ornalasqan.
Naýryzbaı aýdanynda jıhaz, kondıterlik jáne galantereıa buıymdaryn, keńse taýarlaryn, maskalar men azyq-túlik qaptamalaryn shyǵaratyn 9 óndiris orny ashyldy. Kásiporyndar 120-ǵa deıin turaqty jumys ornyn qamtamasyz etedi.
Óndiristiń birinde nurotandyq májilismender qazaqstandyq materıaldardyń az mólsherin paıdalaný jóninde eskertý jasady. Kásiporyn basshylyǵy máseleni qysqa merzimde sheshetinin jetkizdi.
Atap ótsek, kásipkerler alańdardy jalǵa alý boıynsha usynylǵan sharttarǵa rıza, bul qajetti ónimdi shyǵarýdy ýaqtyly retteýge múmkindik beredi.
«Eńbekaqynyń turaqty túrde tólenýi, jumys isteý úshin jasalǵan jaǵdaı jáne atalǵan ónerkásipke 2 %-dyq nesıe berilýi – munyń barlyǵy shaǵyn jáne orta bızneke baǵyttalǵan memlekettik qoldaýdyń jáne megapolıs ıdeologııasynyń kúsheıgenin kórsetedi. Bizdi halyqtyń jaǵdaıy tolǵandyrady. Osy kezdesýlerdiń de eń negizgi sebebi osy», - dedi jumys tobynyń basshysy, depýtat Bekqalı Torǵaev.
Nurotandyqtar sheteldik ınvestorlar men tehnologııalardy tarta otyryp, sol ónerkásiptik alańda ornalasqan trıkotaj fabrıkasyn salý jobasymen tanysty, onda 300 jumys ornyn qurý josparlanýda.
«Búginde Almaty-elimizdiń iskerlik astanasy, Qazaqstannyń ekonomıkalyq damýynyń iri lokomotıvi, Ortalyq Azııa óńiriniń negizgi kólik-logıstıkalyq toraptarynyń biri. Álemniń úzdik megapolısteriniń qataryna kirýge degen umtylys jylyna keminde 5% ekonomıkalyq ósýdi qamtamasyz etýdi talap etedi. Buǵan eńbek ónimdiligin arttyrý arqyly ǵana qol jetkizýge bolady», - dep atap ótti májilismen Aıdos Sarym.
Sapar qorytyndysy boıynsha májilismender shaǵyn jáne orta bıznesti damytý – «Nur Otan» partııasynyń jáne Qazaqstannyń jańa ekonomıkalyq baǵytynyń negizgi basymdyqtarynyń biri ekenin atap ótti.
Elimizdiń árbir úshinshi shaǵyn jáne orta bıznes Almatyda jumys isteıdi, jumyspen qamtylǵan 10 azamattyń 6-y ShOB-ta jumys isteıdi. Partııa budan ári de kásipkerlikti damytýǵa qoldaýdyń tıimdi quraldary arqyly járdemdesetin bolady.
