Májilis depýtattary aqtóbelik jumysshylarmen kezdesti
AQTÓBE. QazAqparat - Májilis depýtattary Aqtóbe hrom qosyndylary zaýytynyń jumysshylarymen kezdesti, dep habarlaıdy QazAqparat tilshisi.
Aqtóbege Májilis depýtattary, «Nur Otan» partııasy fraktsııasynyń músheleri Snejanna Imasheva, Beıbit Mamraev, Qanat Mýsın men Asylbek Smaǵulov keldi. Olar Baıǵanın, Yrǵyz, Áıteke bı, Mártók aýdandaryn aralap, turǵyndarmen kezdesti.
«Biz aýylǵa baryp, halyqpen kezdesip keldik. Máselen, Yrǵyz aýdanynyń Janys bı aýylyndaǵy shaǵyn mektep eskirip, jańasy salynǵan. 100-den astam bala zamanýaı ǵımaratta bilip alyp júr. Bul bizdi qýanytty. Óńirge kelgende aýyl turǵyndarymen ǵana emes, zaýyt jumysshylarmen, medıtsına qyzmetkerleri jáne quqyq qorǵaýshylarmen kezdesý boldy. Turǵyndar kópbalaly analarǵa biriletin áleýmettik járdemaqy týraly aıtty. Tabysty eseptegen kezde mal basy da sanalady. Biraq mal kiris retinde sanalǵanmen, onyń shyǵyny esepke alynbaǵan. Biz Parlament Májilisinde osy suraqty qaraıtyn bolamyz», - dedi Májilis depýtaty Qanat Mýsın.
Jumysshylarmen kezdesý kezinde jastardyń baspanaly bolýy, zeınetaqyny esepteý, jalaqy kóterý jaıy aıtyldy.
Aıta keteıik, Aqtóbe hrom qosyndylary zaýytynda 2 myńnan astam adam jumys isteıdi. Zaýyt óz ónimderin shetelge eksporttaıdy. Ortasha jalaqy - 149 myń teńge.
