Májilis depýtattary Aqtóbedegi terakti qurbandaryn eske aldy
ASTANA. QazAqparat - Búgin Májilistegi «Nur Otan» partııasy fraktsııasynyń otyrysynda depýtattar 5 maýsymda Aqtóbe qalasynda oryn alǵan terrorıstik akti saldarynan kóz jumǵandardy bir mınýt eske aldy.
«QR Prezıdentiniń ókimimen Aqtóbedegi terrorıstik aktiniń saldarynan adamdardyń qurban bolýyna baılanysty 9 maýsym Ulttyq aza tutý kúni retinde jarııalandy. Osyǵan baılanysty, «Nur Otan» partııasy fraktsııasynyń keńeıtilgen jınalysyn bastamas buryn Májilis depýtattaryna, basqa da qatysýshylarǵa terrorıstik akti qurbandaryn bir mınýttyq eske alýdy usynamyn», - dedi otyrysty ashqan fraktsııa jetekshisi, Májilis vıtse-spıkeri Gúlmıra Isimbaeva.
Eske salaıyq, Memleket basshysy Nursultan Nazarbaev Aqtóbe qalasynda jasalǵan terrorıstik aktiniń saldarynan adamdardyń qurban bolýyna baılanysty Qazaqstan Respýblıkasynda jalpyulttyq aza tutý jarııalaý týraly ókim shyǵarǵan bolatyn.
«Men qaıtys bolǵandardyń otbasylaryna, týys-týǵandaryna shyn júregimmen qaıǵyryp kóńil aıtamyn. Qaza tapqan áskerı qyzmetkerler Otan aldyndaǵy antyna adal bolyp, el qaýipsizdigi jolynda óshpes erlik kórsetti. Olardyń erlikteri memleket tarapynan laıyqty baǵalanatyn bolady. Onyń ústine 4 azamat qaıtys boldy, bári Aqtóbeniń turǵyndary. Sondyqtan, men beısenbi, 9 maýsym kúnin Jalpyulttyq aza tutý kúni dep jarııalaımyn. Qaza bolǵandardyń artynda otbasy, bala-shaǵalary qaldy. Meniń tapsyrmam boıynsha, olarǵa barlyq qajetti kómekter jasalýda»,-dedi Elbasy.
