Májilis depýtattary Abaı oblysyndaǵy ózekti máselelerdi nazarǵa aldy
Áriptesteriniń aldynda sóılegen sózinde májilismender el Prezıdenti Qasym-Jomart Toqaevtyń jańa Qazaqstandy qurý baǵytyndaǵy mańyzdy bastamalar jáne elimizde júrgizilip jatqan konstıtýtsııalyq ózgerister týraly qysqasha habardar etti.
Depýtattar qazaqstandyqtarǵa túrli salalardaǵy reformalardy júzege asyrýǵa belsendi qatysýǵa múmkindik beretin elimizdiń saıası ómirindegi ózgerister týraly barynsha kóbirek bilýge tıis ekenin atap ótti.
Kezdesý barysynda semeılikter atap ótken osy óńirge tán ózekti máselelerdiń biri jáne biregeıi joldardyń nasharlyǵy.
Depýtat Ámirhan Rahymjanov óziniń Aqsýat, Kókpekti, Katonqaraǵaı aýdandarynda jáne jańadan qurylǵan Abaı oblysynyń Kýrchatov qalasynda bolǵanyn alǵa tartyp, joldardyń syn kótermeıtindigine ózi de kýá bolǵanyn aıtty. Degenmen, búginde jaǵdaı azdap ózgergen.
- Árıne, qalǵan ýaqyt ishinde 405 shaqyrym joldy jóndeý múmkin emes. Maıqapshaǵaı jaǵynan Zaısanǵa, Kókpektiden Qalbataýǵa deıingi joldy da jóndeý bastaldy. Aqsýat shekarasynan Kókpektige deıingi joldar múlde qolǵa alynbaǵan. Eger bıylǵy jyly eń bolmaǵanda 100 shaqyrym jol júrip úlgerse, bul úlken alǵa jyljý bolmaq, - dedi Ámirhan Rahymjanov.
Janat Omarbekova óz kezeginde, qalanyń eski ǵımarattaryn saqtaý qajettiligin aıtyp, bul baǵytta jumys mádenıet mınıstrligimen birlesip júrgizilip jatqanyn tilge tıek etti.
Depýtat Qazaqstandaǵy týrızmdi damytý áleýetine senimdi. Elde tarıhı oryndar jetkilikti. Másele tek árbir qazaqstandyq mádenı murany saqtaý jáne týrısterdi tartý úshin ortaq ortaq qundylyqtardy qadirleýge jumyla kirisý kerek. Janat Omarbekova Jańa Qazaqstandy qurýǵa árbir azamattyń qatysýy mańyzdy dep esepteıdi.
Kezdesý barysynda basqa da áleýmettik ózekti máseleler qozǵalyp, usynys-pikirler aıtyldy.
Foto: www.parlam.kz
