Májilis depýtat Baqytgúl Hamenovanyń ókilettigin merziminen buryn toqtatty
NUR-SULTAN. QazAqparat – Búgin Parlament Májilisiniń jalpy otyrysynda depýtat Baqytgúl Hamenovanyń ókilettigi merziminen buryn toqtatyldy, dep habarlaıdy QazAqparat tilshisi.
«Sizge barlyq áriptesterimizdiń atynan Májiliste birlesip atqarǵan jumys úshin shyn júrekten alǵysymyzdy bildiremiz. Siz ózińizdiń bilimińiz jáne mol tájirıbeńizdiń arqasynda aldaǵy ýaqytta da Atyraý oblysynyń damýyna da zor úles qosasyz dep senim bildiremiz. Sondaı-aq jumysyńyz tabysty bolsyn», - dedi Májilis tóraǵasy Nurlan Nyǵmatýlın.
Jalpy otyrys barysynda Anar Nuralyqyzyna arnaıy «Alǵys hat» tapsyryldy.
Baqytgúl Hamenova jaqynda Atyraý oblysy ákiminiń orynbasary bolyp taǵaıyndaldy.
Ol H. Dosmuhamedov atyndaǵy Atyraý memlekettik ýnıversıtetin qazaq tili jáne ádebıeti pánderiniń muǵalimi mamandyǵymen, ál-Farabı atyndaǵy Qazaq ulttyq ýnıversıtetiniń aspırantýrasyn bitirgen. Keıin Atyraý munaı jáne gaz ınstıtýtyn, M. Ótemisov atyndaǵy Batys Qazaqstan memlekettik ýnıversıtetin támamdaǵan. Fılologııa ǵylymdarynyń kandıdaty.
2016 jylǵy 24 naýryzdan altynshy saılanǵan Qazaqstan Respýblıkasy Parlamenti Májilisiniń depýtaty.
