Májilis delegatsııasy TMD PAA 44 plenarlyq otyrysyna qatysty
Onda ǵaryshtyq keńistikti beıbit maqsatqa paıdalaný men zertteý salasynda, sondaı-aq, «Bıoenergetıkany damytý negizderi týraly», «ekologııalyq saraptama týraly», «aǵartýshylyq qyzmet týraly» basqa da modeldik zańdar boıynsha yntymaqtastyq týraly TMD Konventsııasynyń jobasy talqylandy.
Májilis depýtattary M. Áshimbaev, S. Omarov, M. Aısına, M. Tinikeev, Sh. Hahazov, M.Chırkov, B.Máken TMD PAA otyrysy aıasynda memlekettik qurylys jáne jergilikti ózin-ózi basqarý tájirıbesin meńgerý, saıası máseleler men halyqaralyq yntymaqtastyq, agrarlyq saıasat, tabıǵı resýrs jáne ekologııa, mádenıet, aqparat, týrızm jáne sport baǵyttaryndaǵy modeldik zańnamalar boıynsha pikir almasty.
Sonymen qatar, Parlamentaralyq odaq, Eýropa keńesi parlamenttik assambleıasy, Dostastyq (ulttar) parlamenttik qaýymdastyǵy tóraǵalary da bıik minberden ózekti máselelerdi kóterdi.
Osy rette parlamentaralyq assambleıalar yntymaqtastyǵyn arttyrýǵa aıryqsha nazar aýdaryldy. Bul týrasynda EQYU PA tóraǵasy Ilkka Kanerva parlamenttik dıplomatııa men ózara is-qımyldyń kúshine senetinin, basty maqsat etene baılanys ornatý ekendigin alǵa tartsa, Parlamentaralyq odaq tóraǵasy Saber Choýdhýrı Sankt-Peterborda Shyǵys pen Batystyń parlamenttik assambleıalary kezdesýiniń mańyzdylyǵyna toqtaldy.
- Sońǵy 24 jylda qabyldanǵan modeldik zańdardyń 86 paıyzy belgili deńgeıde ulttyq parlamenttermen baılanysty. Bul ulttyq parlamentter úshin jaqsy tájirıbe. Ol tájirıbeni halyqaralyq qaýymdastyqpen bólisý, parlamenttik ózara is-qımyldyń joǵary deńgeıi,-dedi ol. Parlament ókilderi qazirgi jaǵdaıda, memleketterdi jaqyndastyrýda parlamenttik dıplomatııanyń róli arta túsetinine senim bildirdi, dep habarlaıdy Májilistiń baspasóz qyzmeti.
