Májilis bıýrosynyń sheshimimen «Qazaq tili - el birliginiń kepili» atty ǵylymı-tájirıbelik konferentsııa ótetin boldy

Búgin QR Parlamenti Májilisiniń Tóraǵasy Oral Muhamedjanovtyń jetekshiligimen ótken Palata Bıýrosynyń otyrysynda osyndaı sheshim shyǵaryldy, dep habarlaıdy QazAqparat.

Palatanyń Zańnama jáne sot-quqyqtyq reforma komıtetiniń usynysymen«Qazaqstan Respýblıkasynyń keıbir zańnamalyq aktilerine balanyń quqyqtaryn qorǵaýdy qamtamasyz etý máseleleri boıynsha ózgerister men tolyqtyrýlar engizý týraly» zań jobasy birinshi oqylymda qaralatyn boldy.

Al Halyqaralyq ister, qorǵanys jáne qaýipsizdik komıteti «Qazaqstan Respýblıkasy men Reseı Federatsııasy arasyndaǵy «Baıqońyr» keshenin tıimdi paıdalaný jónindegi yntymaqtastyqty damytý týraly kelisimdi ratıfıkatsııalaý týraly» zań jobasyn Palata qaraýyna usyndy.

Bıýro otyrysynda «Qazaqstan Respýblıkasynyń keıbir zańnamalyq aktilerine sharýa (fermer) qojalyqtarynyń qyzmeti máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobasymen jumysty jalǵastyrý jóninde Agrarlyq máseleler komıtetiniń málimeti tyńdaldy.